कॉमेडियन प्रणीत मोरे याने ३७० रुपयांच्या बिर्याणी वादानंतर आता 'घायल' या आपल्या नव्या शोची घोषणा केली आहे. मात्र, या घोषणेनंतर त्याला समय रैनाची नक्कल केल्याबद्दल ट्रोल केलं जात आहे. समय रैनावरही त्याच्या 'इंडियाज गॉट लॅटेंट' या शोमुळे एफआयआर दाखल झाली होती.
कॉमेडियन प्रणीत मोरेने त्याच्या 'घायल' या नव्या स्टँड-अप स्पेशलची घोषणा केली आहे. ३७० रुपयांच्या बिर्याणी प्रकरणामुळे झालेल्या वादानंतरच्या अनुभवांवर हा शो आधारित असेल असं म्हटलं जातंय. विशेष म्हणजे, या शोची शैली सहकारी कॉमेडियन समय रैनासारखी असल्याची चर्चा आहे. काही महिन्यांपूर्वी झालेल्या वादानंतर आणि कायदेशीर कारवाईनंतर प्रणीत आता पुन्हा एकदा प्रेक्षकांसमोर येत आहे.
प्रणीत मोरेची कमबॅकची घोषणा
हा वाद जून २०२६ मध्ये सुरू झाला होता. गुरुग्राममधील प्रणीतच्या एका क्राऊड-वर्क परफॉर्मन्सची क्लिप व्हायरल झाली होती. त्यात एका प्रेक्षकाने डेटवर ३७० रुपये बिर्याणीवर खर्च केल्यानंतर शारीरिक संबंधांबद्दल एक अत्यंत स्त्री-द्वेषी टिप्पणी केली होती. या घटनेला प्रणीतने ज्याप्रकारे हाताळलं, त्यावरुन त्याच्यावर ऑनलाइन प्रचंड टीका झाली होती.
पोस्टवर एक नजर टाका
आपल्या इन्स्टाग्रामवर पोस्ट शेअर करत त्याने लिहिलं, "GHAYAL
Related Articles
जे घडलं ते मी बदलू शकत नाही, पण त्यामुळे मी काय बनायचं हे निवडू शकतो.
घायल हा त्याच प्रवासाची गोष्ट आहे.
सुरुवात मुंबईतून."
प्रणीत झाला ट्रोल
एका युझरने लिहिलं, "तू काही समय रैना नाहीस... त्याची कॉपी करण्याचा प्रयत्न करू नकोस. तुला हे जमत नाहीये. लोक असा विचार कसा करू शकतात की एक फालतू वाद निर्माण करायचा, मग कमबॅक करायचा आणि सगळ्यांनी त्यांना माफ करून विसरून जावं?"
दुसऱ्याने कमेंट केली, "हा पण समयसारखंच काहीतरी करेल हे सगळ्यांना माहीत होतं."
आणखी एकाने लिहिलं, "हा काही समय रैना नाहीये."
तर एका कमेंटमध्ये लिहिलं होतं, "कोणाला काही फरक पडत नाही."
बिर्याणी वादानंतर काय झालं?
जून २०२६ मध्ये प्रणीतच्या शोमधील व्हायरल क्लिपमुळे देशभरात मोठी चर्चा झाली. प्रेक्षकाच्या चुकीच्या कमेंटला आव्हान न दिल्याबद्दल आणि उलट त्याला "पीक गुडगाव कंटेंट" म्हटल्याबद्दल प्रणीतवर टीका झाली.
या वादानंतर प्रणीत मोरे आणि प्रेक्षक हिमांशू जांगरा या दोघांवर अश्लीलता आणि लैंगिक छळाच्या आरोपाखाली गुन्हे दाखल करण्यात आले. राष्ट्रीय महिला आयोगानेही दोघांना समन्स बजावले होते. या प्रकरणानंतर जांगराची नोकरी गेल्याचंही समोर आलं होतं. नंतर प्रणीतने आपल्या वक्तव्याबद्दल माफी मागितली होती.
समय रैनाशी तुलना का?
'घायल'ची तुलना समय रैनाच्या शैलीशी होणं महत्त्वाचं आहे. रैना स्वतः त्याच्या 'इंडियाज गॉट लॅटेंट' या शोमुळे वादाच्या भोवऱ्यात सापडला होता. पण, त्याचवेळी त्याने त्याच्या शोमधील स्त्री-द्वेषी कमेंट्सना कडाडून विरोध केल्याबद्दल त्याचं कौतुकही झालं होतं. अनेक नेटकऱ्यांनी प्रणीतला रैनाकडून काहीतरी शिकण्याचा सल्ला दिला होता.
