Palak Tiwari : इब्राहिम अली खानसोबत ब्रेकअपच्या चर्चा; पलक तिवारीची संपत्ती नेमकी किती?

इब्राहिम अली खानसोबत ब्रेकअप झाल्याच्या चर्चांनंतर अभिनेत्री पलक तिवारी पुन्हा एकदा लाईमलाईटमध्ये आली आहे. तिची बॉलिवूडमधली कारकीर्द, ब्रँड एंडॉर्समेंट्स, तिची कौटुंबिक पार्श्वभूमी आणि तिच्या एकूण संपत्तीचा हा खास आढावा.

Image Credit : palaktiwarii/instagram

अभिमान वाटण्यासारखी कामगिरी

पलक तिवारी बॉलिवूडच्या नव्या पिढीत स्वतःची एक वेगळी ओळख निर्माण करत आहे. टीव्ही अभिनेत्री श्वेता तिवारीची मुलगी असली, तरी पलकने स्वतःच्या मेहनतीवर, म्युझिक व्हिडिओ आणि फॅशनच्या जोरावर ओळख मिळवली आहे. तीन वर्षे डेट केल्यानंतर इब्राहिम अली खान आणि पलक आता वेगळे झाल्याच्या बातम्या समोर येत आहेत. ३० ऑक्टोबर २०२६ च्या 'हिंदुस्तान टाईम्स'च्या वृत्तानुसार, हा ब्रेकअप सहमतीने झाला आहे. काही दिवसांपूर्वीच दोघे रणथंबोर ट्रिपवर एकत्र दिसले होते. ब्रेकअपबद्दल दोघांनीही अधिकृत वक्तव्य केलेले नाही, तरीही चाहत्यांमध्ये पलकच्या वैयक्तिक आयुष्याबद्दल उत्सुकता आहे.

Image Credit : instagram/Palak Tiwari

श्वेता तिवारीची मुलगी

८ ऑक्टोबर २००० रोजी मुंबईत जन्मलेली पलक तिवारी सध्या २६ वर्षांची आहे. प्रसिद्ध टीव्ही अभिनेत्री श्वेता तिवारी आणि अभिनेते राजा चौधरी यांची ती मुलगी आहे. आई-वडिलांच्या घटस्फोटानंतर पलक तिच्या आईसोबतच लहानाची मोठी झाली. लहाणपणापासूनच ग्लॅमरस जग जवळून पाहिल्यामुळे तिला अभिनयाची आणि फॅशनची आवड निर्माण झाली. मुंबईच्या मिठीबाई कॉलेजमधून तिने सायकॉलॉजीमध्ये बीए पूर्ण केले आहे. १० वीच्या परीक्षेत तिला ८३ टक्के गुण मिळाले होते. श्वेता तिवारीची मुलगी असूनही ती स्वबळावर इंडस्ट्रीत पाय रोवत आहे.

Image Credit : instagram

करिअरवर पूर्ण लक्ष

२०२१ मध्ये पंजाबी गायक हार्डी संधूच्या 'बिजली बिजली' या म्युझिक व्हिडिओतून पलक तिवारीला प्रचंड प्रसिद्धी मिळाली. यानंतर २०२३ मध्ये तिने सलमान खानच्या 'किसी का भाई किसी की जान' या चित्रपटातून बॉलिवूडमध्ये पदार्पण केले. २०२५ मध्ये ती 'द भूतनी' या चित्रपटातही दिसली होती. अभिनयाव्यतिरिक्त पलक ब्रँड एंडॉर्समेंट, मॉडेलिंग आणि सोशल मीडियाच्या माध्यमातून मोठी कमाई करते. मीडिया रिपोर्ट्सनुसार, तिची एकूण संपत्ती सुमारे ३ ते ५ कोटी रुपयांच्या घरात आहे. सध्या इब्राहिम अली खानसोबतचे तिचे तीन वर्षांचे नाते संपल्याचे म्हटले जात असून दोघेही आपल्या करिअरवर लक्ष केंद्रित करत आहेत.