शाहरुख खान आणि काजोलची ब्लॉकबस्टर जोडी बऱ्याच काळापासून पडद्यावरून गायब आहे. आता काजोलने एका मुलाखतीत शाहरुखच्या मेहनती आणि आव्हानात्मक कामे निवडण्याच्या गुणवत्तेचे कौतुक केले आहे.
शाहरुखला इतकं यश कसं मिळालं, काजोलने सांगितलं कारण: शाहरुख खान आणि काजोलची जोडी बॉलिवूडमधील आयकॉनिक आणि यशस्वी जोड्यांपैकी एक आहे. 90 च्या दशकापासून 2000 च्या सुरुवातीच्या काळात त्यांनी अनेक ब्लॉकबस्टर चित्रपटांमध्ये काम केले. 'कभी खुशी कभी गम', 'दिलवाले दुल्हनिया ले जाएंगे', 'कुछ कुछ होता है', 'बाजीगर', 'दिलवाले' सारख्या चित्रपटांमधील त्यांचा रोमान्स आणि केमिस्ट्रीने प्रेक्षकांना वेड लावले होते. त्यांचे रोमँटिक, भावनिक आणि विनोदी पात्रही प्रेक्षकांना खूप आवडले. शाहरुख-काजोलच्या ऑन-स्क्रीन बॉन्डिंगचे खूप कौतुक झाले आहे.
शाहरुख खानला थाळीत वाढून यश मिळालं नाही
काजोलने अलीकडेच मीडिया हाऊसला दिलेल्या मुलाखतीत शाहरुखच्या यशाबद्दल आणि व्यावसायिकतेबद्दल भाष्य केले आहे. तिने सांगितले की शाहरुख खान ज्या उंचीवर पोहोचला आहे, त्यामागे त्याची कठोर मेहनत आहे. तो आपल्या भूमिकेत स्वतःला झोकून देतो. त्यासाठी तो जेवढी मेहनत करू शकतो तेवढी करतो. काजोलने या मुलाखतीत म्हटले आहे की शाहरुखच्या यशाचे रहस्य केवळ अभिनय नाही, तर त्याचे शिस्त, वेळेचे व्यवस्थापन आणि नेहमी काहीतरी नवीन शिकण्याची आणि ते सादर करण्याची जिद्द आहे. तो नेहमीच स्वतःसाठी आव्हानात्मक कामे निवडतो आणि नंतर ते पूर्ण ताकदीनिशी पार पाडतो. काजोल म्हणाली की शाहरुख बॉलिवूडमध्ये स्वतःची परीक्षा घेत राहतो; अॅक्शन, रोमान्स किंवा वास्तविक जीवनातील सामाजिक कारण असो, तो खूप सक्रिय असतो. प्रत्येक व्यासपीठाचा तो उत्कृष्ट पद्धतीने वापर करतो.
शाहरुख खान आपल्या कामावर प्रेम करतो
काजोलचे म्हणणे आहे की शाहरुख खान आज सुपरस्टार आहे, पण तो हवेत उडत नाही, जमिनीशी जोडलेला माणूस आहे. तो कितीही चांगला अभिनेता असला तरी आपल्या टीमला, सहकलाकारांना समान आदर देतो. तिच्या मते, शाहरुख खानच्या यशाचे श्रेय सतत प्रयत्न, व्यावसायिक निष्ठा आणि आपल्या चाहत्यांना त्यांच्या आवडीप्रमाणे काहीतरी नवीन देण्याच्या सवयीला जाते.
