Viral Video : इब्राहिम अली खान आणि पलक तिवारी यांचा एक व्हिडीओ सध्या सोशल मीडियावर व्हायरल झाला आहे. या व्हिडीओमुळे त्यांच्या डेटिंगच्या चर्चांना पुन्हा एकदा उधाण आलं आहे. त्याचवेळी, सेलिब्रिटींच्या खासगी आयुष्यात सततच्या हस्तक्षेपावर अनेकजण प्रश्नचिन्ह उपस्थित करत आहेत.
Viral Video : अभिनेता इब्राहिम अली खान आणि पलक तिवारी यांच्या नात्याच्या चर्चांना पुन्हा एकदा उधाण आलं आहे. निमित्त ठरलाय तो सोशल मीडियावर व्हायरल झालेला एक व्हिडीओ. पापाराझींच्या अकाऊंटवरून शेअर झालेल्या या क्लिपमुळे या दोघांच्या नात्याबद्दल पुन्हा एकदा उलटसुलट चर्चा सुरू झाल्या आहेत.
व्हायरल व्हिडीओमध्ये नेमकं काय घडलं?
या व्हायरल झालेल्या क्लिपमध्ये, इब्राहिम अली खान एका ठिकाणाहून बाहेर पडताना दिसतो. त्याचवेळी पापाराझींचे कॅमेरे त्याच्यावर रोखले जातात. त्याच क्षणी, त्याच्या मागून पलक तिवारी गेटमधून बाहेर येताना दिसते. कॅमेरे जवळ येत असल्याचं पाहून, इब्राहिम तिला आतमध्ये ढकलण्याचा किंवा थांबवण्याचा प्रयत्न करताना दिसतोय. असं वाटतंय की, तो तिला फोटोग्राफर्सपासून दूर ठेवण्याचा प्रयत्न करत आहे.
मात्र, पापाराझींनी दुसऱ्या अँगलने कॅमेरा फिरवताच पलकही कॅमेऱ्यात कैद झाली. हा क्षण सोशल मीडियावर वेगाने व्हायरल झाला असून, इब्राहिमच्या या प्रतिक्रियेवर आणि त्याचा नेमका अर्थ काय यावर अनेकजण चर्चा करत आहेत.
Related Articles
चाहत्यांमध्ये दोन गट, पापाराझींवर टीका
या व्हिडिओवर ऑनलाइन वेगवेगळ्या प्रतिक्रिया येत आहेत. काही युजर्सच्या मते, इब्राहिम फक्त अनावश्यक प्रसिद्धी टाळण्याचा प्रयत्न करत होता. तर काहींना वाटतंय की या घटनेमुळे त्यांच्या डेटिंगच्या चर्चांना आणखी खतपाणी मिळालं आहे.त्याच वेळी, अनेक लोकांनी पापाराझी कल्चरवर टीका केली आहे. सेलिब्रिटींच्या खासगी आयुष्यात सतत का डोकावलं जातं, असा प्रश्न ते विचारत आहेत. प्रत्येक वेळी एकत्र दिसले म्हणजे त्यांच्यात काहीतरी शिजतंय, असा अर्थ काढू नये, असंही अनेक युजर्सनी म्हटलं आहे.
अधिकृत दुजोरा नाही, पण चर्चा सुरूच
इब्राहिम अली खान आणि पलक तिवारी यांच्या डेटिंगच्या चर्चा बऱ्याच काळापासून सुरू आहेत. मात्र, दोघांपैकी कोणीही अद्याप या नात्याला अधिकृत दुजोरा दिलेला नाही.यापूर्वी, पलकची आई, अभिनेत्री श्वेता तिवारीनेही अशा बातम्या फेटाळून लावल्या होत्या आणि पलक इब्राहिमसोबत कोणत्याही नात्यात नसल्याचं स्पष्ट केलं होतं. असं असूनही, या ताज्या व्हायरल व्हिडिओमुळे चाहत्यांमध्ये पुन्हा एकदा चर्चा सुरू झाली आहे.सध्या तरी, सत्य काय आहे हे फक्त इब्राहिम आणि पलकलाच माहीत आहे, पण तोपर्यंत सोशल मीडियावर या व्हायरल क्षणाची चर्चा सुरूच राहणार आहे.
