Ram Charan Body Guard : अभिनेता राम चरणच्या एका फॅनने त्याच्या जवळ जाण्याचा प्रयत्न केला, पण बॉडीगार्डने त्याला उचलून बाजूला केलं. हा व्हिडिओ व्हायरल झालाय. या बॉडीगार्डची एका दिवसाची फी लाखो रुपये आहे. जाणून घ्या कोण आहे हा 'सुपर बॉडीगार्ड'.
Ram Charan Body Guard : आपल्या आवडत्या स्टारची एक झलक पाहण्यासाठी किंवा त्याला स्पर्श करण्यासाठी चाहते अनेकदा सर्व मर्यादा ओलांडतात. असंच काहीसं दाक्षिणात्य अभिनेता राम चरणसोबत घडलं, जेव्हा एक चाहता त्याच्या खूप जवळ येण्याचा प्रयत्न करत होता. पण, त्याच्या बॉडीगार्डने ज्या चपळाईने त्या फॅनला उचलून बाजूला केलं, तो व्हिडिओ आता सोशल मीडियावर प्रचंड व्हायरल झाला आहे. ही घटना नुकत्याच झालेल्या 'पेद्दी' (Peddi) चित्रपटाच्या प्री-रिलीज कार्यक्रमादरम्यान घडली.
स्टेजवर राम चरण आपल्या टीम आणि सह-कलाकारांसोबत बसला होता. तेव्हा अचानक एक चाहता सुरक्षाकडे तोडून त्याच्या दिशेने धावू लागला. पण तो राम चरणपर्यंत पोहोचण्याआधीच, त्याचा बॉडीगार्ड केविन कुंटा विजेच्या वेगाने पुढे आला आणि त्याने त्या फॅनला एकट्याने उचलून तिथून बाजूला नेलं. या धावपळीत जवळच बसलेली अभिनेत्री जान्हवी कपूरही पडता-पडता वाचली. नंतर, राम चरणने मोठ्या मनाने त्या फॅनला आपल्याजवळ बोलावून घेतलं, त्याच्याशी संवाद साधला आणि एक फोटोही काढला. या घटनेनंतर बॉडीगार्ड केविन कुंटा सोशल मीडियावर हिरो बनला आहे. रिपोर्ट्सनुसार, केविनची एका दिवसाची सॅलरी तब्बल २ ते ४ लाख रुपये आहे.
कोण आहे केविन कुंटा?
Related Articles
केविन कुंटा गेल्या चार वर्षांपासून राम चरण आणि त्याच्या कुटुंबाचा बॉडीगार्ड म्हणून काम करत आहे. मात्र, अलीकडच्या काळातच राम चरणसोबतचे त्याचे फोटो आणि व्हिडिओ सोशल मीडियावर व्हायरल होऊ लागले आहेत. केविन हा गाम्बियाचा एक आंतरराष्ट्रीय प्रोफेशनल MMA (मिक्स्ड मार्शल आर्ट्स) फायटर आहे. त्याचा जन्म १९९८ मध्ये गाम्बियामध्ये झाला होता आणि त्याची उंची ६ फूट ५ इंच आहे. रिपोर्ट्सनुसार, केविनचं खरं नाव अब्दु कादिर सोव (Abdou Kadir Sow) आहे. गाम्बिया रेसलिंग असोसिएशनच्या माहितीनुसार, केविनला 'मामा लामिन ऑफ बारा' (Mama Lamin of Bara) या नावानेही ओळखलं जातं.
