गणेशोत्सवात OTT वर रिलिज झालेले धमाकेदार चित्रपट आणि वेब सिरीज
मुंबई - गणेशोत्सवाच्या निमित्ताने या आठवड्यात नेटफ्लिक्स, अमेझॉन प्राइम, सन नेक्स्ट, सोनी लिव्ह, जिओ सिनेमा यांसारख्या ओटीटी प्लॅटफॉर्मवर प्रदर्शित होणाऱ्या चित्रपटांबद्दल जाणून घ्या.
ओटीटी रिलीज
या आठवड्यात ओटीटीवर दोन नवीन तमिळ चित्रपट प्रदर्शित होत आहेत.
के. व्ही. – या चित्रपटात बिग बॉस प्रसिद्ध अभिनेत्री जॅकलीन हिने नायिकेची भूमिका केली आहे. विनायक चतुर्थी स्पेशल म्हणून हा चित्रपट आजपासून सन नेक्स्ट या ओटीटी प्लॅटफॉर्मवर स्ट्रीम होतो आहे. हा चित्रपट डोंगराळ भागात राहणाऱ्या लोकांच्या जीवनातील संघर्षावर आधारित आहे. त्यांच्या मूलभूत गरजा आणि सामाजिक प्रश्न यांवर लक्ष केंद्रित करून दिग्दर्शक तमिळ दयालन यांनी हा चित्रपट वास्तववादी पद्धतीने मांडला आहे.
मायक्कुथु (Mayakoothu) – या चित्रपटाची कथा एका गर्विष्ठ कथालेखकाभोवती फिरते. त्याने लिहिलेल्या तीन कथांमधील अडकलेली पात्रं अचानक त्याच्यासमोर येऊन स्वतःसाठी न्याय मागतात. यामुळे लेखकाची मानसिक अवस्था ढळते. ही पात्रं खरोखर अस्तित्वात आहेत का? त्यांना त्यांचा न्याय मिळतो का? – याभोवती या चित्रपटाची कथा फिरते. हा चित्रपटसुद्धा सन नेक्स्ट वर स्ट्रीम होत आहे.
ओटीटीवर रिलीज होणारे इतर भाषांतील चित्रपट
थंडरबोल्ट्स (Thunderbolts) – २७ ऑगस्ट २०२५
मार्व्हल स्टुडिओचा हा अॅक्शन-एंटरटेनमेंट चित्रपट या आठवड्यात जिओ हॉटस्टार वर प्रदर्शित होत आहे. या चित्रपटात सुपरहिरोंऐवजी ॲंटी-हिरो आणि माजी खलनायक एकत्र येऊन एका विशेष मोहिमेसाठी कार्य करतात. मार्व्हल चाहत्यांसाठी ही अतिशय रोचक अशी रिलीज ठरणार आहे.
किंग्डम (Kingdom) – २७ ऑगस्ट २०२५
तेलुगूतील विजय देवरकोंडा अभिनीत हा चित्रपट आजपासून नेटफ्लिक्सवर स्ट्रीम होत आहे. दिग्दर्शन गौतम यांचे असून संगीत दिग्दर्शन अनिरुद्ध यांनी केले आहे.
माय लाईफ विथ द वॉल्टर बॉईज – सिझन २ (My Life with the Walter Boys Season 2) – २८ ऑगस्ट २०२५
एका टीनएज मुलीची तिच्या संरक्षक कुटुंबासोबत सुरू होणाऱ्या नव्या आयुष्याची कथा. यात प्रेम, विश्वास आणि मैत्रीचे सुंदर चित्रण केले आहे.
नेटफ्लिक्स रिलीज
द थर्सडे मर्डर क्लब (The Thursday Murder Club) – २८ ऑगस्ट २०२५
निवृत्ती गृहात राहणारे काही मित्र सुरुवातीला खेळ म्हणून खुनाच्या केसची चौकशी करतात. पण अचानक ते एका खऱ्या गुन्हेगारी प्रकरणात अडकतात.
टू ग्रेव्ह्स (Two Graves) – २९ ऑगस्ट २०२५
दोन लहान मुली बेपत्ता झाल्याने समुद्रकिनाऱ्यावरील शहरात खळबळ उडते. सत्य उलगडण्यासाठी एका वृद्ध स्त्रीला मोठा त्याग करावा लागतो.
लव्ह अनटॅंगल्ड (Love Untangled) – २९ ऑगस्ट २०२५
एक टीनएज मुलगी शाळेतील हार्टथ्रॉब चे लक्ष वेधण्यासाठी स्वतःची शैली बदलते. पण एका नव्या विद्यार्थ्याच्या आगमनाने तिचे आयुष्य बदलते.
कराटे किड लेजेंड्स (Karate Kid Legends) – २९ ऑगस्ट २०२५
ली फांग नावाचा एक कुंगफू प्रतिभावान तरुण न्यूयॉर्क शहरात येतो आणि कराटे स्पर्धेत भाग घेण्याची त्याची यात्रा सुरू होते. मिस्टर हान आणि डॅनियल लारुसो यांच्या मदतीने तो नव्या आव्हानांना सामोरा जातो.
सोनी लाइव्ह ओटीटी रिलीज
फोर अँड हाफ गँग (Four and Half Gang) – २९ ऑगस्ट
सोनी लाइव्हवर या वर्षी येणाऱ्या मल्याळम ओरिजिनल मालिकांपैकी फोर अँड हाफ गँग ही प्रेक्षकांना विशेष आकर्षित करणारी आहे. खरी घटना यावर आधारित असून, या मालिकेची पार्श्वभूमी तिरुअनंतपुरम आहे. डार्क अॅक्शन-कॉमेडी शैलीतील ही मालिका २९ ऑगस्ट रोजी मल्याळम, तेलुगू, तमिळ आणि हिंदी या भाषांमध्ये प्रदर्शित होत आहे.
