सिंगर-सॉंगरायटर अनुव जैनने त्याचं नवं गाणं 'तू कह दे तो' रिलीज केलं आहे. हे त्याचं 'कॉल मी बे सीझन २' या ओटीटी सीरिजसोबतचं पहिलं कोलॅबोरेशन आहे. या गाण्यातून तो म्युझिक व्हिडिओमध्येही पदार्पण करत आहे. ही सीरिज १७ डिसेंबरला प्राईम व्हिडिओवर येणार आहे.
anuv jainअनुव जैनचं 'कॉल मी बे सीझन २'साठी 'तू कह दे तो' गाणं रिलीज
सिंगर-सॉंगरायटर अनुव जैनचं 'तू कह दे तो' हे बहुचर्चित गाणं अखेर प्रेक्षकांच्या भेटीला आलं आहे. 'कॉल मी बे सीझन २' या ओटीटी सीरिजच्या निमित्ताने त्याने पहिल्यांदाच एका वेब सीरिजसाठी गाणं बनवलं आहे. विशेष म्हणजे या गाण्यातून तो म्युझिक व्हिडिओमध्येही झळकत आहे. कोचीमधल्या एका कॉन्सर्टमध्ये अनुवने हे गाणं पहिल्यांदा गायलं होतं. आता त्याने संपूर्ण गाणं अधिकृतपणे रिलीज केलं आहे. या म्युझिक व्हिडिओमध्ये अनुवसोबत अनन्या पांडे, गुरफतेह पिरजादा, विहान समत आणि सीरिजची बाकीची स्टारकास्टही दिसत आहे.
कोणतं आहे गाणं?
कोचीमध्ये झालेल्या लाईव्ह कॉन्सर्टमध्ये अनुवने चाहत्यांना या गाण्याची छोटीशी झलक दाखवली होती. त्यानंतर या कॉन्सर्टचे व्हिडिओ सोशल मीडियावर तुफान व्हायरल झाले होते. चाहते हे गाणं रिलीज होण्याची आतुरतेने वाट पाहत होते. आता अखेर हे गाणं ऐकण्यासाठी उपलब्ध झालं आहे. 'तू कह दे तो' हे गाणं खुद्द अनुव जैनने लिहिलं, संगीतबद्ध केलं आणि गायलं आहे. तसंच, ऋषभ जोशीसोबत त्याने या ट्रॅकचं प्रॉडक्शनही पाहिलं आहे.
एखाद्या व्यक्तीवर प्रेम असताना भावना व्यक्त करताना जी धाकधूक असते, आणि समोरच्याने आधी पुढाकार घ्यावा अशी जी वाट पाहिली जाते, त्याबद्दल हे गाणं भाष्य करतं. कोची कॉन्सर्टमधल्या प्रतिसादाबद्दल बोलताना अनुव म्हणाला की, गाणं रिलीज होण्याआधीच लोकांचा त्याला एवढा भारी रिस्पॉन्स मिळाला, हे पाहून मला खूप आनंद झाला. 'कॉल मी बे'च्या आगामी सीझनचा भाग होण्याबद्दलही त्याने आपला आनंद व्यक्त केला.
दुसऱ्या सीझनमध्ये पुन्हा एकदा 'बे' म्हणून परतणाऱ्या अनन्या पांडेनेही अनुवसोबत काम करण्याचा अनुभव शेअर केला. ती म्हणाली की, ती खूप आधीपासून त्याची गाणी ऐकतेय आणि पहिल्यांदा जेव्हा तिने हे गाणं ऐकलं, तेव्हाच तिला ते खूप भावलं. 'कॉल मी बे सीझन २' येत्या १७ डिसेंबरला प्राईम व्हिडिओवर रिलीज होणार आहे.















