Maharashtra Elections 2024 News -

महाराष्ट्रात ज्येष्ठ नागरिकांसाठी घरच्या घरी मतदान करण्याची सुविधा उपलब्ध करून देण्यात आली, परंतु पंजीकरणाची मर्यादित मुदत आणि जागरूकतेच्या अभावामुळे अनेक ज्येष्ठ नागरिकांना या सुविधेचा लाभ घेता आला नाही.

मुंबादेवी मतदारसंघातील भाजप उमेदवार शायना एनसी यांनी राज ठाकरेंची भेट घेतल्यानंतर खासदार अरविंद सावंत यांच्यावर टीका केली. सावंतांनी त्यांना 'माल' म्हटल्याबद्दल त्यांनी संताप व्यक्त केला.

महाराष्ट्र विधानसभा निवडणुकीपूर्वी SSTची मोठी कारवाई: मुंबईत १०.८ कोटींची विदेशी चलन आणि उल्हासनगरमध्ये १७ लाख रुपये जप्त, निवडणुकीदरम्यान सतर्क यंत्रणा देखरेखीसाठी सज्ज.

माहीम मतदारसंघात मनसे अध्यक्ष राज ठाकरे यांचे पुत्र अमित ठाकरे, सदा सरवणकर, शिवसेनेचे (यूबीटी) महेश सावंत यांच्यात तिरंगी लढत होणारय. भाजपने अमित ठाकरेंना पाठिंबा जाहीर केल्याने संभ्रम निर्माण झाला, विद्यमान आमदाराला उमेदवारी देण्यावर ठाम आहे.

कन्नड विधानसभा निवडणुकीत माजी आमदार हर्षवर्धन जाधव यांच्या विरोधात त्यांच्याच पत्नी संजना जाधव शिंदे गटाकडून उभ्या राहणार आहेत. यामुळे जाधव आणि त्यांचे सासरे रावसाहेब दानवे यांच्यातील कौटुंबिक कलह आणखी वाढला आहे.

महाविकास आघाडीतील काही जागांवर एकमेकांविरुद्ध निवडणूक लढवणाऱ्या नेत्यांबाबत शरद पवार यांनी प्रतिक्रिया दिली आहे. युतीच्या साथीदारांसोबत बैठक घेऊन तोडगा काढणार असल्याचे त्यांनी सांगितले.

महाराष्ट्र विधानसभा निवडणुकीत मुंबईत मुस्लिम मतदार जास्त असूनही, प्रमुख राजकीय पक्षांनी कमी मुस्लिम उमेदवारांना तिकीट दिले आहे. काँग्रेसने चार, राष्ट्रवादीने तीन आणि शिवसेनेने एका मुस्लिम उमेदवाराला तिकीट दिले आहे. यामुळे मुस्लिम समाजात असंतोष आहे.

मराठा आंदोलक मनोज जरांगे पाटील यांनी मराठा, मुस्लीम आणि दलित समुदायांमध्ये एकता साधण्यासाठी प्रयत्न सुरू केले आहेत. याचाच एक भाग म्हणून अंतरवाली सराटी येथे मुस्लीम धर्मगुरु सज्जाद नोमानी, मनोज जरांगे आणि आनंदराज आंबेडकर यांची बैठक पार पडली.

नवाब मलिक यांना राष्ट्रवादी काँग्रेसकडून तिकीट मिळाल्याने महायुतीत खळबळ उडाली आहे. भाजपने मलिकांचा प्रचार करण्यास नकार दिला असून शिवसेनेने त्यांच्याविरोधात उमेदवार उभा केला आहे.

काँग्रेस खासदार राहुल गांधी 6 नोव्हेंबरपासून महाराष्ट्रातील विरोधी पक्षाच्या निवडणूक प्रचाराची धुरा सांभाळणार आहेत. ते मुंबईत महाविकास आघाडीच्या संयुक्त रॅलीला उपस्थित राहणार असून शरद पवार आणि उद्धव ठाकरेही उपस्थित राहतील.