पती टोनीच्या मृत्यूपूर्वी बनवलेले शेवटचे जेवण सब्रीनाने जपून ठेवले होते. सुरुवातीला तिने ते कायमचे जतन करण्याचा विचार केला होता, पण नंतर तिने आपला निर्णय बदलला.
न्यूयॉर्क: दोन वर्षे जुने जेवण खाणाऱ्या महिलेचा व्हिडिओ सोशल मीडियावर व्हायरल होत आहे. दोन वर्षे जुने जेवण का खावे असा प्रश्न तुम्हाला पडला असेल. पण हे जेवण तिच्या दोन वर्षांपूर्वी दिवंगत झालेल्या पतीने बनवले होते. सब्रीना नावाच्या या महिलेने शेअर केलेला हा भावनिक व्हिडिओ इंस्टाग्रामवर व्हायरल झाला आहे.
पती टोनीच्या मृत्यूपूर्वी बनवलेले शेवटचे जेवण सब्रीनाने जपून ठेवले होते. सुरुवातीला तिने ते कायमचे जतन करण्याचा विचार केला होता, पण नंतर तिने आपला निर्णय बदलला. ती त्यांच्या घरातून दुसरीकडे राहायला जात होती.
दोघांच्या आठवणींनी भरलेल्या घरात शेवटचे जेवण टोनीने बनवलेले असावे असे तिने ठरवले. तिच्या घरात सर्वात चांगले जेवण टोनी बनवायचा असेही ती व्हिडिओमध्ये सांगते. 'मला जे काही खायचे असेल ते टोनी बनवून द्यायचा. या घरातील माझ्या शेवटच्या जेवणासाठी धन्यवाद टोनी', असे तिचे शब्द ऐकून प्रेक्षकांनाही भावूक होतात.
५० लाखांहून अधिक लोकांनी हा व्हिडिओ पाहिला आहे. तसेच अनेकांनी कमेंट्सही केल्या आहेत. दोन वर्षे जुने जेवण खाल्ल्याबद्दल कोणीही तुम्हाला दोष देऊ शकत नाही, असे एका व्यक्तीने लिहिले आहे. इतका भावनिक क्षण सोशल मीडियावर शेअर केल्याबद्दल सब्रीनाचे आभार मानणाऱ्या कमेंट्सही अनेक आहेत.
