Trump Urges EU to Secure Hormuz as Iran Permits Limited Ship Passage : अमेरिका, इराण आणि इस्रायल यांच्यात झालेल्या युद्धविरामामुळे होर्मुझच्या सामुद्रधुनीतून रोज १५ जहाजांना जाण्याची परवानगी मिळाली आहे. पण यासाठी इराणची पूर्वपरवानगी लागेल. दुसरीकडे, अध्यक्ष ट्रम्प यांनी युरोपियन युनियनला या भागाच्या सुरक्षेसाठी पुढे येण्यास सांगितले आहे.
Trump Urges EU to Secure Hormuz as Iran Permits Limited Ship Passage : अमेरिका, इराण आणि इस्रायल यांच्यात नुकत्याच झालेल्या युद्धविरामाच्या अटींनुसार, होर्मुझच्या सामुद्रधुनीतून दररोज १५ जहाजांना जाण्याची परवानगी देण्यात आली आहे. इराणच्या मीडिया रिपोर्टनुसार, 'युद्धबंदीचा भाग म्हणून १५ जहाजं होर्मुझमधून जाऊ शकतील, पण त्यासाठी त्यांना इराणकडून पूर्वपरवानगी घ्यावी लागेल.' ही वाहतूक आयआरजीसी (IRGC) च्या देखरेखीखाली होईल आणि परिस्थिती पूर्वीसारखी सामान्य होणार नाही, असंही स्पष्ट करण्यात आलं आहे.
याआधी, इराणने या जहाजांकडून शुल्क वसूल करण्याची घोषणा केली होती. पण बुधवारी रात्री, लेबनॉनवर इस्रायलने केलेल्या हल्ल्याला प्रत्युत्तर म्हणून होर्मुझची सामुद्रधुनी पुन्हा बंद करण्याची धमकी इराणने दिली. त्यामुळे सध्या या सामुद्रधुनीतील परिस्थिती नक्की काय आहे, याबाबत स्पष्टता नाही.
होर्मुझच्या सुरक्षेसाठी पुढे या: ट्रम्प यांचं युरोपियन युनियनला आवाहन
वॉशिंग्टन: होर्मुझ सामुद्रधुनीच्या सुरक्षेसाठी काय पावलं उचलणार, याचा सविस्तर प्लॅन काही दिवसांत सादर करा, असं अमेरिकेचे अध्यक्ष डोनाल्ड ट्रम्प यांनी युरोपियन देशांना (EU) सांगितलं आहे. इराणसोबत युद्धविराम झाला असला तरी होर्मुझबाबतचा गोंधळ कायम आहे. याच दरम्यान व्हाईट हाऊसमध्ये झालेल्या एका बैठकीत, ट्रम्प यांनी युरोपियन मित्र देशांना या सामुद्रधुनीच्या सुरक्षेसाठी पुढे येण्याचे आदेश पुन्हा दिले. ४० हून अधिक देशांच्या युरोपियन युनियनसह जपान आणि कॅनडानेही ट्रम्प यांना होर्मुझच्या सुरक्षेत मदत करण्याचं आश्वासन दिलं आहे.
Related Articles
इराणने होर्मुझमध्ये पेरले होते 'वॉटर बॉम्ब': चार्टमधून खुलासा
दुबई: होर्मुझ सामुद्रधुनीत जहाजांची वाहतूक रोखण्यासाठी इराणने त्या भागात 'वॉटर बॉम्ब' (पाण्याखालचे स्फोटक) पेरले होते, असा दावा इराणच्याच मीडियाने केला आहे. स्फोटकं कुठे पेरली आहेत, याचा एक चार्टही तयार करण्यात आला होता. यासोबत एक फोटोही प्रसिद्ध करण्यात आला आहे, ज्यात जहाजांच्या मार्गावर धोकादायक जागा म्हणून काही खुणा दिसत आहेत. पण युद्धविरामानंतर ही स्फोटकं हटवली की नाही, हे अजून स्पष्ट झालेलं नाही. गेल्या महिन्यात अमेरिकेनेही इराणने होर्मुझमध्ये स्फोटकं पेरल्याचा दावा केला होता आणि ती लावत असलेल्या बोटी नष्ट केल्याचं म्हटलं होतं.
