युक्रेनवरील युद्धामुळे रशियाच्या सरकारी टीव्ही चॅनेल्सना युट्यूबवर बंदी घातल्याबद्दल रशियन न्यायालयाने गुगलवर $20 डिसिलियनचा दंड ठोठावला आहे.
मॉस्को: युक्रेनवरील युद्धामुळे रशियाच्या सरकारी टीव्ही चॅनेल्सना युट्यूबवर बंदी घातल्याबद्दल रशियन न्यायालयाने गुगलवर अभूतपूर्व $20 डिसिलियनचा दंड ठोठावला आहे.
१ च्या पुढे ३३ शून्य म्हणजे १ डिसिलियन. रशियन न्यायालयाने गुगलवर २० डिसिलियन डॉलर्सचा दंड ठोठावला आहे. म्हणजेच २ च्या पुढे ३४ शून्य. जगाच्या इतिहासात एवढा मोठा दंड कधीच कोणालाही ठोठावण्यात आलेला नाही.
गुगलची एकूण बाजारपेठ किंमत २ ट्रिलियन डॉलर्स आहे. २ च्या पुढे १२ शून्य म्हणजे २ ट्रिलियन डॉलर्स. तर जगाचा एकूण जीडीपी ११० ट्रिलियन डॉलर्स आहे. म्हणजेच ११० च्या पुढे १३ शून्य. याचा अर्थ असा की जगातील सर्व अर्थव्यवस्था एकत्रित केली तरी रशियाने ठोठावलेल्या दंडाच्या निम्म्या रकमेइतकीही होणार नाही!
न्यायालयाने काय म्हटले?:
रशियाच्या सरकारी टीव्ही चॅनेल्सना युट्यूबवर बंदी घालून गुगलने राष्ट्रीय प्रसारण नियमांचे उल्लंघन केले आहे. त्यामुळे हा दंड ठोठावण्यात येत आहे. या दंडाची रक्कम भरण्यासोबतच रशियन चॅनेल्सचे युट्यूबवर प्रसारण पुन्हा सुरू करावे लागेल. जर ९ महिन्यांच्या आत हा आदेश पाळला नाही तर दररोज दंड दुप्पट होत जाईल, असे न्यायालयाने आपल्या आदेशात म्हटले आहे.
२०२२ मध्ये युक्रेनवर रशियाने युद्ध पुकारल्यानंतर हिंसक घटना कमी दाखवल्या जात असल्याच्या कारणास्तव गुगलने रशियाचे आरटी आणि स्पुतनिक चॅनेल्स युट्यूबवरून काढून टाकले होते. याशिवाय रशियाच्या बाजूने उभे असलेले १००० हून अधिक चॅनेल्स आणि १५,००० हून अधिक व्हिडिओ जगभरातून युट्यूबवरून काढून टाकण्यात आले होते.
