)
)
)
सार
विमान दुर्घटनेतून वाचलेल्या दोघांपैकी एकाला शुद्धीवर आल्यानंतर काहीही आठवत नसल्याचे वृत्त आहे.
सोल: देशाच्या इतिहासातली सर्वात मोठी विमान दुर्घटना दक्षिण कोरियात घडली आहे. रविवारी झालेल्या विमान दुर्घटनेत १७९ जणांचा मृत्यू झाला. १७५ प्रवासी आणि १८१ कर्मचारी असलेले थायलंडहून आलेले जेजू विमान मुवान विमानतळावर उतरताना कोसळले. उतरताना धावपट्टीवरून घसरलेले विमान भिंतीवर आदळले. या दुर्घटनेतून केवळ दोन जण वाचले.
विमान दुर्घटनेतून वाचलेल्या दोघांपैकी एकाला शुद्धीवर आल्यानंतर काहीही आठवत नसल्याचे वृत्त आहे. विमानातील दोन कर्मचारी वाचले. त्यांना तातडीने रुग्णालयात दाखल करण्यात आले. शुद्धीवर आल्यानंतर क्रू मेंबर ली यांनी "काय झाले? मी इथे का आहे?" असे विचारले, असे कोरिया टाइम्सने वृत्त दिले आहे.
ली यांची प्रतिक्रिया धक्क्यामुळे असल्याचे डॉक्टरांनी सांगितले. "ते घाबरलेले दिसत आहेत, कदाचित विमानाच्या आणि प्रवाशांच्या सुरक्षेची चिंता त्यांना सतावत असेल," असे एका रुग्णालय कर्मचाऱ्याने सांगितले. प्रवाशांना मदत करण्यासाठी ली विमानाच्या मागच्या बाजूला होते. त्यांच्या डाव्या खांद्याला आणि डोक्याला फ्रॅक्चर झाल्यासह गंभीर दुखापती झाल्या आहेत. कुटुंबाच्या विनंतीनुसार ली यांना सोलमधील रुग्णालयात हलवण्यात आले आहे.
वाचलेला दुसरा फ्लाइट अटेंडंट, २५ वर्षीय क्वॉन मोकपो सेंट्रल रुग्णालयात उपचार घेत आहे. क्वॉन यांना डोक्याला जखम, घोट्याला फ्रॅक्चर आणि पोटाला दुखापत झाल्याचे वृत्त आहे. ली आणि क्वॉन हे दोघेच या दुर्घटनेतून वाचले आहेत.
)
)
)
)
)
)
)
;Resize=(128,128))
)
)