Pakistan Afghanistan Conflict : युद्ध पेटलं? 300+ ठार, 500 जखमी; ट्रम्प म्हणाले...

Pakistan Afghanistan Conflict : पाकिस्तान-अफगाणिस्तान सीमेवर तणाव शिगेला पोहोचला आहे. यातच डोनाल्ड ट्रम्प यांनी पाकिस्तानचं कौतुक केल्याने अमेरिकेच्या भूमिकेबद्दल चर्चा सुरू झाली आहे.

Image Credit : X

पाकिस्तान आणि अफगाणिस्तानमधील लष्करी संघर्ष दिवसेंदिवस अधिकच तीव्र होत आहे. सीमेवर सतत एअरस्ट्राईक, ड्रोन हल्ले आणि गोळीबार सुरू आहे. या संघर्षात दोन्ही बाजूंचे मिळून 300 हून अधिक लोक मारले गेले आहेत आणि 500 पेक्षा जास्त जखमी झाले आहेत. दोन्ही देशांनी एकमेकांना कठोर लष्करी कारवाईचा इशारा दिला आहे.

Image Credit : X

अफगाणिस्तानने २२ फेब्रुवारी रोजी झालेल्या पाकिस्तानी एअरस्ट्राईकला प्रत्युत्तर दिल्यानंतर या संघर्षाला तोंड फुटलं. यानंतर पाकिस्तानने 'ऑपरेशन गजब-लिल-हक' सुरू केलं. पाकिस्तानी हवाई दलाने काबूल, कंदाहार, पक्तिया आणि नंगरहारसह अनेक भागांवर हवाई हल्ले केले. पाकिस्तानी लष्कराच्या प्रवक्त्याने सांगितलं की, त्यांनी आतापर्यंत 274 तालिबानी लढवय्यांना ठार केलंय, तर शेकडो जण जखमी झाले आहेत. दुसरीकडे, तालिबानने फक्त 8-13 लढवय्ये मारले गेल्याचं सांगत 55 पाकिस्तानी सैनिक ठार केल्याचा दावा केला आहे.

Image Credit : X

अमेरिकेचे माजी राष्ट्राध्यक्ष डोनाल्ड ट्रम्प यांना या संघर्षात अमेरिका हस्तक्षेप करणार का, असं विचारलं असता ते म्हणाले, "आम्ही हस्तक्षेप करू शकतो, पण आमचे पाकिस्तानशी चांगले संबंध आहेत आणि पाकिस्तान चांगली कामगिरी करत आहे." त्यांच्या या विधानामुळे आता या प्रादेशिक संघर्षात अमेरिका काय भूमिका घेणार, यावर आंतरराष्ट्रीय पातळीवर चर्चा सुरू झाली आहे.

UPDATE: As part of Operation Ghazab Lil Haq, the Pakistan Army targeted and destroyed Afghan Taliban posts and military installations along the Pakistan-Afghanistan border in the Qilla Abdullah and Nushki sectors. Released footage shows the scale of the strikes. https://t.co/yxXaIarmmL pic.twitter.com/wOA5MvbSef

— THE GLOBAL DECIPHER (@Global_Decipher) February 28, 2026

Image Credit : X

पाकिस्तानच्या लष्करी प्रवक्त्याने दावा केला आहे की, देशात होणाऱ्या दहशतवादी हल्ल्यांमागे भारताची भूमिका आहे. या कारवायांसाठी अफगाण तालिबानच्या प्रदेशाचा वापर होत असल्याचा आरोपही त्यांनी केला. भारताने अद्याप या आरोपांवर कोणतीही अधिकृत प्रतिक्रिया दिलेली नाही. अशा आरोपांमुळे प्रादेशिक तणाव आणखी वाढू शकतो.

Image Credit : X

अफगाण संरक्षण मंत्रालयाने दावा केला आहे की, त्यांनी पाकिस्तानच्या हद्दीत घुसून ड्रोनद्वारे लष्करी तळांना लक्ष्य केलं. तर पाकिस्तानच्या माहिती मंत्र्यांनी काही छोटे ड्रोन पाडल्याचं सांगत मोठं नुकसान झालं नसल्याचं म्हटलं आहे. यानंतर पाकिस्तानने देशभरात खासगी ड्रोन उडवण्यावर बंदी घातली. माजी पाकिस्तानी लष्करी अधिकारी आदिल राजा यांनी दावा केला की, ड्रोन हल्ल्यात इस्लामाबादजवळील एका अणुऊर्जा केंद्राला लक्ष्य करण्यात आलं होतं, पण या दाव्याला दुजोरा मिळालेला नाही.

Image Credit : X

पाकिस्तानच्या सिनेटने अफगाणिस्तानविरोधात एक निंदा प्रस्ताव मंजूर केला आहे. पंतप्रधान शाहबाज शरीफ यांनी लष्कराच्या मुख्यालयाला भेट देऊन "झिरो टॉलरन्स" धोरणाचा पुनरुच्चार केला. परराष्ट्र मंत्रालयाने म्हटलं आहे की, कोणत्याही चिथावणीखोर कृत्याला "कठोर आणि निर्णायक" उत्तर दिलं जाईल.

Image Credit : X

दोन्ही देशांमधील ड्युरंड लाईनचा वाद हा तणावाचं एक जुनं कारण आहे. २०२१ मध्ये अफगाणिस्तानात तालिबान सत्तेवर आल्यापासून सीमेवर चकमकी वाढल्या आहेत. तहरीक-ए-तालिबान पाकिस्तान (TTP) अफगाणिस्तानातून कारवाया करत असल्याचा पाकिस्तानचा आरोप आहे, तर तालिबान सरकारने हे आरोप फेटाळून लावले आहेत.