व्हाईट हाऊसमध्ये हॅलोवीन कार्यक्रमात अमेरिकेचे राष्ट्राध्यक्ष जो बायडेन यांनी कोंबडीच्या पोशाखात असलेल्या बाळाचा पाय चावल्याचा व्हिडिओ व्हायरल झाला आहे.
वॉशिंग्टन: व्हाईट हाऊसमध्ये आयोजित करण्यात आलेल्या हॅलोवीन कार्यक्रमात अमेरिकेचे राष्ट्राध्यक्ष जो बायडेन यांनी कोंबडीच्या पोशाखात असलेल्या बाळाचा पाय चावल्याचा फोटो काढला आहे. सध्या हा फोटो आणि व्हिडिओ सोशल मीडियावर व्हायरल होत आहे. हॅलोवीन कार्यक्रमात सहभागी होणारे लोक विचित्र प्रकारे कपडे घालून येतात आणि सर्वांचे लक्ष वेधून घेतात.
या फोटो आणि व्हिडिओवर सोशल मीडियावर विविध प्रतिक्रिया येत आहेत. जो बायडेन यांनी बाळाचा पाय चावला का? ओह माय गॉड! तिथे काय चाललंय हे मला कळत नाही. कृपया कोणी मला सांगेल का? असे एका युजरने लिहिले आहे. दुसरा युजर म्हणाला, विश्वास बसत नाही, ही बायडेन यांच्या आयुष्यातील विचित्र घटना असेल. बाळाला पाहिल्यावर उचलून लाड करावेसे वाटते. पण बायडेन यांनी पाय का चावला असा प्रश्नही विचारण्यात आला आहे.
व्हाईट हाऊसमधील या पार्टीत सैनिकांची मुले आणि स्थानिक विद्यार्थ्यांसह सुमारे ८,००० पाहुणे सहभागी झाले होते. याच पार्टीत जो बायडेन यांच्या पत्नी, अमेरिकेच्या प्रथम महिला जिल बायडेन या "हॅलो-रीड" या थीम अंतर्गत पांडाच्या पोशाखात आल्या होत्या. पांडाचा पोशाख घातलेल्या जिल बायडेन यांनी मुलांसोबत वेळ घालवला. जिल आणि बायडेन यांनी एकत्र कार्यक्रमात आलेल्या पाहुण्यांना गोडधोड वाटले. सुमारे १ तास बायडेन स्वतः गोडधोड वाटत होते.
जो बायडेन यांच्या या कृतीवर रिपब्लिकन पक्षाचे उमेदवार डोनाल्ड ट्रम्प यांचे राष्ट्रीय सुरक्षा सल्लागार मायकल फ्लिन यांनी तीव्र टीका केली आहे. तुमच्या मुलांना या व्यक्तीपासून दूर ठेवा असा सल्ला दिला आहे. ट्रम्प पक्षाच्या प्रवक्त्या लॉरा लूमर यांनी, तो व्यक्ती कुत्र्यांना खातो. आता मुलांना खाण्यासाठी पुढे आला आहे. हे खूपच जास्त झाले आहे असे म्हणत जो बायडेन यांच्यावर टीका केली आहे.
अलीकडेच ट्रम्प समर्थकांना कचरा असे म्हणत जो बायडेन यांनी टीका केली होती. त्यांच्या या विधानामुळे बराच वाद निर्माण झाला होता. काही दिवसांपूर्वी ट्रम्प यांच्या एका रॅलीत बोलताना त्यांच्या एका समर्थकाने, 'पोर्तो रिको हे कचऱ्याचे बेट आहे' असे म्हणत त्यांची खिल्ली उडवली होती. यावरून बायडेन यांना दोष देण्यात आला होता. याला उत्तर देताना डेमोक्रॅट उमेदवार कमला हॅरिस यांच्यासाठी प्रचार करत असताना बायडेन म्हणाले, 'काही दिवसांपूर्वी एका वक्त्याने पोर्तो रिकोला कचऱ्याचे बेट म्हटले होते.
मला माहीत आहे, मी जिथून निवडून आलो आहे, माझे मूळ राज्य डेलावेअरमधील पोर्तो रिको असे नाही. तिथले लोक चांगले, सभ्य आणि आदरणीय आहेत. तिथे मला दिसणारा एकमेव तरंगणारा कचरा म्हणजे त्यांचे समर्थक आहेत' असे म्हणत त्यांनी ट्रम्प आणि त्यांच्या समर्थकांवर टीका केली.
