Donald Trump Wishes Narendra Modi पंतप्रधान नरेंद्र मोदींना त्यांच्या ७५ व्या वाढदिवसानिमित्त शुभेच्छा देण्यासाठी ट्रम्प यांनी फोन केला. व्यापार विवादांदरम्यान झालेले हे संभाषण दोन्ही देशांमधील संबंध सुधारण्यास मदत करेल, असा अंदाज आहे.
Donald Trump Wishes Narendra Modi : पंतप्रधान नरेंद्र मोदी यांनी अमेरिकेचे राष्ट्राध्यक्ष डोनाल्ड ट्रम्प यांचे आभार मानले आहेत. ७५ व्या वाढदिवसानिमित्त फोन करून शुभेच्छा दिल्याबद्दल पंतप्रधानांनी ही प्रतिक्रिया दिली आहे. भारत-अमेरिका भागीदारीला नव्या उंचीवर नेण्यासाठी आपणही ट्रम्प यांच्याप्रमाणेच पूर्णपणे वचनबद्ध आहोत, असेही मोदींनी म्हटले आहे. सोशल मीडिया पोस्टद्वारे पंतप्रधानांनी ही प्रतिक्रिया दिली. युक्रेन संघर्षावर शांततापूर्ण तोडगा काढण्याच्या ट्रम्प यांच्या प्रयत्नांना पाठिंबा देत असल्याचेही मोदींनी नमूद केले.
पंतप्रधान नरेंद्र मोदी यांची फेसबुक पोस्ट:
पंतप्रधान नरेंद्र मोदींच्या फेसबुक पोस्टचे पूर्ण स्वरूप:
‘Thank you, my friend, President Trump, for your phone call and warm greetings on my 75th birthday. Like you, I am also fully committed to taking the India-US Comprehensive and Global Partnership to new heights. We support your initiatives towards a peaceful resolution of the Ukraine conflict.’- Narendra Modi
Related Articles
दरम्यान, व्यापार करारासह भारत आणि अमेरिका यांच्यातील वाद मिटवण्यासाठी नरेंद्र मोदी आणि डोनाल्ड ट्रम्प यांच्यात एकमत झाले आहे. ७५ व्या वाढदिवसानिमित्त शुभेच्छा देण्यासाठी ट्रम्प यांनी नरेंद्र मोदींना फोन केला होता, तेव्हा दोन्ही देशांमधील संबंध अधिक दृढ करण्याचा निर्णय घेण्यात आला. सामरिक संबंध पुढे नेण्यासाठी वचनबद्ध असल्याचे आणि युक्रेन युद्ध संपवण्यासाठी ट्रम्प यांच्या प्रयत्नांना पाठिंबा देत असल्याचे मोदींनी संभाषणानंतर सांगितले होते. १६ जूननंतर दोन्ही नेत्यांमध्ये पहिल्यांदाच चर्चा झाली आहे. ऑपरेशन सिंदूर आणि व्यापार करारामुळे बिघडलेले संबंध सुधारण्यास हे संभाषण मदत करेल. व्यापार करारावर अमेरिकेच्या व्यापार प्रतिनिधीने दिल्लीत चर्चा केल्यानंतर ट्रम्प यांनी मोदींना फोन केला होता. 
