- Home
- Utility News
- Boneless Fish : या माशांमध्ये नसतात काटे, म्हणजे नुसतीच मुख्खन-मलाई, मुलांची बुद्धी राहते तल्लख!
Boneless Fish : या माशांमध्ये नसतात काटे, म्हणजे नुसतीच मुख्खन-मलाई, मुलांची बुद्धी राहते तल्लख!
Boneless Fish : माशांमध्ये प्रथिने, ओमेगा-३ फॅटी ॲसिड, जीवनसत्त्वे आणि इतर पोषक तत्वे भरपूर प्रमाणात असतात. हे मुलांच्या आरोग्यासाठी आणि विकासासाठी खूप मदत करतात.
बिनकाट्याचे मासे
मांसाहारप्रेमी आपल्या मुलांना लहानपणापासूनच मांसाहारी पदार्थ खाण्याची सवय लावतात. पण, अनेकजण मुलांना नियमितपणे चिकन, मटण देतात, पण मासे खायला देत नाहीत. कारण त्यात काटे असतात आणि ते काढणं खूप अवघड असतं असं त्यांना वाटतं. मुलांनाही काटे घशात अडकतील अशी भीती वाटते. पण, काही मासे असे आहेत ज्यात काटे नसतात. ते तुम्ही मुलांना आरामात खाऊ घालू शकता. चला तर मग, पाहूया असे कोणते मासे आहेत...
माशांमधील पोषक तत्वे...
माशांमध्ये प्रथिने, ओमेगा-३ फॅटी ॲसिड, जीवनसत्त्वे आणि इतर पोषक तत्वे भरपूर प्रमाणात असतात. हे मुलांच्या आरोग्यासाठी आणि विकासासाठी खूप मदत करतात.
काटे कमी असलेले माशांचे प्रकार...
ट्युना फिश
ट्युना फिशमध्ये फॅट्स खूप कमी असतात. हा मासा चवीला खूप छान लागतो. यामध्ये प्रथिने, व्हिटॅमिन डी आणि ओमेगा-३ फॅटी ॲसिड भरपूर प्रमाणात असतात. बाजारात हा सहज उपलब्ध होतो. तुम्ही याचा वापर सॅलड आणि सँडविचमध्येही करू शकता. मुलांना तुम्ही हा मासा आरामात देऊ शकता.
डोरी फिश
डोरी फिश खूप मऊ असतो. याची चवही अप्रतिम असते. मुलांना हा मासा विशेषतः आवडतो. तो फिलेटच्या (fillet) स्वरूपात मिळतो. डोरी फिशमध्ये प्रथिने जास्त आणि फॅट्स कमी असतात. तुम्ही याला ब्रेडसोबत किंवा ग्रील्ड फिलेटच्या स्वरूपात खाऊ शकता.
इतरही प्रकार
ग्रुपर फिश
ग्रुपर फिशमध्ये खूप कमी काटे असतात. याचे मांस जाड आणि मऊ असते. या माशांमध्ये सेलेनियम आणि मॅग्नेशियमसारखी खनिजे भरपूर प्रमाणात असतात, जी संपूर्ण आरोग्यासाठी चांगली आहेत.
सॅल्मन फिश
हा एक खूप लोकप्रिय मासा आहे. यात काटेही खूप कमी असतात. हा चवीला खूप छान लागतो. सॅल्मन फिशमध्ये ओमेगा-३ फॅटी ॲसिड भरपूर प्रमाणात असते, जे मुलांच्या मेंदूच्या विकासासाठी खूप महत्त्वाचे आहे. हा फिलेटच्या स्वरूपात मिळतो. याचा उपयोग सूप, ग्रिलिंग आणि फिश नगेट्स बनवण्यासाठी सहज करता येतो.
स्नॅपर फिश
स्नॅपर फिशमध्ये मोठे काटे असतात, जे सहज काढता येतात. रेड स्नॅपर आणि व्हाईट स्नॅपर खूप चविष्ट असतात. यामध्ये व्हिटॅमिन बी६, फॉस्फरस आणि ओमेगा-३ फॅटी ॲसिड भरपूर प्रमाणात असतात.
टीप...
*मासे खरेदी करताना ते ताजे असल्याची खात्री करा. ताज्या माशांचे डोळे स्वच्छ आणि कल्ले लाल असतात. त्याला वास येत नाही.
*माशांची चव वाढवण्यासाठी साधे मसाले वापरा. लिंबाचा रस, आले आणि लसूण पुरेसे आहेत. हे केवळ चवीसाठीच नाही, तर तुमच्या आरोग्यासाठीही चांगले आहेत.
