मुलीवर क्रूर अत्याचार झाल्याचे प्राथमिक तपासात स्पष्ट झाले आहे, असे पोलिसांनी सांगितले. तिच्या हातापायांवर अनेक जखमा आहेत आणि डोक्याला गंभीर दुखापत झाली आहे.
रावळपिंडी: चॉकलेट चोरी केल्याच्या आरोपावरून १३ वर्षीय मुलीला मारहाण करून ठार मारण्यात आले. ही घटना पाकिस्तानातील रावळपिंडी येथे घडली. घरकाम करणाऱ्या या मुलीवर चॉकलेट चोरी केल्याचा आरोप करून घरमालकांनी क्रूरपणे मारहाण केली, असे पोलिसांनी सांगितले. गंभीर अवस्थेत असलेल्या मुलीला बुधवारी रुग्णालयात दाखल करण्यात आले, परंतु तिचा मृत्यू झाला.
रशीद शफीक, त्यांची पत्नी सना आणि त्यांची आठ मुले यांच्या कुटुंबात इक्रा ही १३ वर्षीय मुलगी घरकाम करत होती. कुटुंबातील कुराण शिक्षकानेच गंभीर अवस्थेत असलेल्या इक्राला रुग्णालयात नेले. मुलीचे वडील मरण पावले असून आई गावात नाही, अशी माहिती त्याने रुग्णालय प्रशासनाला दिली. मुलीला रुग्णालयात सोडून तो पळून गेला. रशीद शफीक, त्यांची पत्नी आणि कुराण शिक्षक यांना पोलिसांनी ताब्यात घेतले आहे. मुलीवर क्रूर अत्याचार झाल्याचे प्राथमिक तपासात स्पष्ट झाले आहे, असे पोलिसांनी सांगितले. तिच्या हातापायांवर अनेक जखमा आहेत आणि डोक्याला गंभीर दुखापत झाली आहे. यापूर्वीही अनेक वेळा इक्राला अत्याचाराला सामोरे जावे लागले होते, असे तिच्या शरीरावरील जखमांवरून दिसून येते, असेही पोलिसांनी सांगितले.
आठ वर्षांपासून इक्रा घरकाम करून आपला उदरनिर्वाह करत होती. कर्जबाजारी असल्याने मुलीला कामाला पाठवले, असे तिचे शेतकरी वडील सना उल्ला यांनी सांगितले. इक्राला रुग्णालयात दाखल केल्याची माहिती मिळाल्यानंतर ते रुग्णालयात पोहोचले. वडील पोहोचेपर्यंत इक्रा बेशुद्ध होती. मी रुग्णालयात पोहोचल्यानंतर काही वेळातच इक्राचा मृत्यू झाला, असे सना उल्ला यांनी सांगितले.
मुलीच्या मृत्यूनंतर रावळपिंडीत मोठे निषेध झाले. 'जस्टिस फॉर इक्रा' या हॅशटॅग अंतर्गत सोशल मीडियावरही निषेध व्यक्त केला जात आहे.
