- Home
- Utility News
- Water Tank Placement : पाण्याची टाकी नेहमी छतावरच का असते? खाली बांधली तर काय होईल?
Water Tank Placement : पाण्याची टाकी नेहमी छतावरच का असते? खाली बांधली तर काय होईल?
भारतात कुठेही पाहिलं तरी लोक पाण्याची टाकी छतावरच बसवतात. पण ती खाली का बसवत नाहीत? जमिनीवर टाकी बांधली तर खरंच काही अडचण येते का? यामुळे नेमक्या कोणत्या समस्या वाढतात? चला सविस्तर जाणून घेऊया.
खाली पाण्याची टाकी का बांधू नये?
भारतात कुठेही पाहिलं तरी लोक पाण्याची टाकी छतावरच बसवतात. पण अनेक लोक जागेअभावी किंवा साफ करायला सोपं पडेल म्हणून पाण्याची टाकी खाली बांधतात. दिसायला हे चांगलं वाटत असलं तरी, रोज वीज आणि पाण्याचा त्रास सहन करावा लागतो. टाकी खाली असेल तर पाणी आपोआप वर जात नाही.
एक थेंबही पाणी येणार नाही
टाकी खाली असेल तर स्वयंपाकघर, बाथरूम किंवा वरच्या मजल्यावर पाणी नेण्यासाठी प्रत्येक वेळी मोटर चालू करावी लागते. यामुळे विजेचं बिल खूप जास्त येतं. मोटर वारंवार खराब होऊन खर्च वाढतो. सर्वात महत्त्वाचं म्हणजे, लाईट गेली तर नळातून पाण्याचा एक थेंबही येत नाही. आणीबाणीच्या वेळी वीज नसेल तर घरातलं कोणतंही काम होत नाही. संपूर्ण कुटुंबाला याचा त्रास सहन करावा लागतो.
छतावर टाकी बसवणेच बेस्ट
ग्रॅव्हिटीमुळे पाणी नेहमी वरून खाली वेगाने येतं. टाकी जेवढ्या उंचावर असेल, तेवढ्याच जास्त प्रेशरने नळातून पाणी येतं. तुम्ही छतावर टाकी बसवली तर मोटर आणि विजेची गरज भासत नाही, नळ चालू करताच पाणी येतं. यामुळे विजेची मोठी बचत होते. म्हणूनच घर बांधताना टाकी खाली न बांधता छतावरच बसवावी, असा सल्ला तज्ज्ञ देतात.
कीटकांपासून संरक्षण
तुम्ही जमिनीवर किंवा अंडरग्राउंड टाकी बांधली, तर त्यात पावसाचं पाणी आणि कीटक जाण्याचा धोका असतो. टाकीवर झाकण नीट नसेल तर डास जमा होतात आणि डेंग्यू, मलेरियासारखे जीवघेणे आजार पसरतात. तसेच पावसाचं पाणी लीक होऊन टाकीत मिसळलं, तर पिण्याचं पाणी दूषित होतं आणि घरातील लोकांचं आरोग्य बिघडतं.
याउलट छतावर टाकी असेल तर ती साफ करणं खूप सोपं असतं. सूर्यप्रकाशामुळे टाकीत शेवाळ साचत नाही. विजेची बचत करण्यासोबतच, आपल्या कुटुंबाच्या आरोग्याचा विचार करून पाण्याची टाकी नेहमी छतावरच बसवणं फायद्याचं ठरतं.
घराच्या बांधकामाची सुरक्षितता
घराचं आयुष्य आणि सुरक्षिततेचा विचार केला, तरी खाली टाकी बांधणं धोकादायक ठरतं. जमिनीवर पाण्याची मोठी टाकी बांधली आणि भविष्यात थोडं जरी लीकेज झालं, तरी भिंतींना ओल पकडते. ही ओल हळूहळू पसरते आणि घराचा पाया तसेच पिलर्स कमकुवत करते.
यामुळे इमारतीचं आयुष्य तर कमी होतंच, पण भविष्यात दुरुस्तीसाठी मोठा खर्चही करावा लागतो. तीच टाकी जर छतावर असेल, तर घराच्या पायाला कोणतंही नुकसान होत नाही. त्यामुळे घराची सुरक्षितता लक्षात घेऊन छतावरच पाण्याची टाकी बांधण्याचा निर्णय नेहमी योग्य ठरतो.
