- Home
- Utility News
- 99 टक्के लोकांना माहिती नसेल ते घड्याळ डाव्या हातात का घालतात? उजव्या हातात का नाही?
99 टक्के लोकांना माहिती नसेल ते घड्याळ डाव्या हातात का घालतात? उजव्या हातात का नाही?
मुंबई - तुम्ही लहानपणापासून घड्याळ डाव्या मनगटाला बांधता? पण तुम्ही असे का करता हे तुम्हाला माहिती आहे का? की वडिलांचे अनुकरण करत तुम्ही डाव्या मनगटाला घड्याळ घालता? जाणून घ्या या मागची कारणे…
हातातील घड्याळाबाबत काही रंजक माहिती
वेळ पाहण्यासाठी आता मोबाईल फोन वापरले जातात, पण पूर्वी घड्याळे जास्त वापरली जायची. बाहेर जाताना हातात घड्याळ घालण्याची पद्धत होती. कालांतराने ती एक स्टाईल बनली. आताही अनेक जण स्टायलिश आणि अनेक वैशिष्ट्यांनी युक्त स्मार्ट घड्याळे घालतात. सेलिब्रिटी लाखो-कोटींची घड्याळे घालतात. पण कितीही महागडे असले तरी ते डाव्या हातातच घालतात. डाव्या हातातच का घालावे? उजव्या हातात का नाही हे तुम्हाला माहीत आहे का?
घड्याळ डाव्या हातात घालण्यामागची कारणे...
घड्याळ डावा हातातच घालण्यामागे काही विशेष कारण नाही. फक्त सोयीस्कर आणि वापरण्यास सोपे म्हणूनच असे केले जाते. जगातील ८५-९०% लोक उजव्या हाताने काम करणारे आहेत. लिहिणे, खाणे, वस्तू पकडणे अशा सर्व कामांसाठी ते उजवा हात वापरतात. डाव्या हातात घड्याळ घातल्याने उजवा हात मोकळा राहतो. तसेच घड्याळाला धोका पोहोचण्यापासूनही ते वाचवते. उदाहरणार्थ, तुम्ही काहीतरी लिहित असताना उजव्या हातात घड्याळ असेल तर ते त्रासदायक ठरेल. डाव्या हातात असेल तर उजव्या हाताने सहज लिहिता येईल.
खिशातील घड्याळांचा ट्रेंड
पूर्वी हातातील घड्याळांऐवजी खिशातील घड्याळे वापरली जायची. त्यासाठीच जीन्सच्या पँटमध्ये उभा एक छोटा खिसा असायचा. त्यात घड्याळ ठेवले जायचे. आजही जीन्सच्या पँटला हा खिसा असतो.
पहिल्या महायुद्धात सैनिकांना शस्त्रे वापरण्यासाठी दोन्ही हातांचा वापर करावा लागायचा. त्यामुळे खिशातील घड्याळातून वेळ पाहणे कठीण जायचे. मग हातातील घड्याळांचा वापर सुरू झाला.
डाव्या हातात घड्याळ सोयीस्कर
हातातील घड्याळात वेळ सेट करण्यासाठी एक छोटी व्यवस्था असते. ती घड्याळाच्या उजव्या बाजूला असते. त्यामुळे डाव्या हातात घड्याळ घातल्यावर उजव्या हाताच्या बोटांनी क्राउन फिरवणे सोपे जाते. ही रचना आजही कायम आहे. आधुनिक स्मार्ट घड्याळांमध्येही बटणे बहुतेक उजव्या बाजूलाच असतात.
घड्याळाचे संरक्षण
डाव्या हातात घड्याळ घातल्याने त्याचे संरक्षण होते. उजवा हात दैनंदिन कामांमध्ये जास्त वापरला जातो, त्यामुळे घड्याळाला ओरखडे पडणे किंवा तुटण्याची शक्यता जास्त असते. डाव्या हातात घातल्याने घड्याळ खराब होण्याची शक्यता कमी असते.
कामगार, खेळाडू, कष्टाची कामे करणाऱ्यांसाठी हे महत्त्वाचे आहे. डाव्या हातात घड्याळ असल्याने काम करताना होणारे घर्षण, धक्के यांपासून ते सुरक्षित राहते. त्यामुळे घड्याळाचा टिकाऊपणा वाढतो.
