यावर्षी 16 मे, शनिवारी शनि जयंती आहे. या दिवसापूर्वी घरातून काही अशुभ वस्तू काढून टाकल्यास शनिदेवाचा कोप टाळता येतो आणि अडचणी कमी होऊ शकतात. जाणून घ्या कोणत्या आहेत त्या वस्तू.
Shani Jayanti Ke Upay: दरवर्षी ज्येष्ठ महिन्याच्या अमावस्येला शनि जयंती साजरी केली जाते. यावर्षी हा सण 16 मे रोजी साजरा होणार आहे. विशेष म्हणजे, यंदा शनि जयंती शनिवारी आली आहे, त्यामुळे या दिवसाचं महत्त्व आणखी वाढलं आहे. वास्तुशास्त्रानुसार, घरात काही निरुपयोगी किंवा नकारात्मक वस्तू ठेवल्यास शनिदोष वाढू शकतो. त्यामुळे शनि जयंतीपूर्वी या गोष्टी घरातून काढून टाका, नाहीतर तुमच्या अडचणी वाढू शकतात…
गंजलेलं लोखंडी सामान
तुमच्या घरात जर गंजलेल्या लोखंडी वस्तू असतील आणि त्या कोणत्याही कामात येत नसतील, तर अशा वस्तू शनि जयंतीपूर्वी दुरुस्त करून घ्या किंवा घरातून बाहेर काढा. नाहीतर या गोष्टी तुमच्या घरातील वास्तु बिघडवू शकतात. अशा घरावर शनिदेव नाराज होतात, असं मानलं जातं.
बंद कुलूप आणि खराब घड्याळं
अनेक जण आपल्या घरात बंद पडलेली कुलूपं आणि खराब घड्याळं ठेवतात, ज्यांचा काहीही उपयोग नसतो. या वस्तू घरात नकारात्मकता पसरवतात, ज्याचा परिणाम घरात राहणाऱ्या लोकांवर होऊ शकतो. त्यामुळे शनि जयंतीपूर्वी या गोष्टीही घरातून बाहेर काढा.
जुने बूट-चप्पल
ज्योतिषशास्त्रात बूट-चप्पल यांचा संबंध शनिदेवाशी जोडला जातो. तुमच्या घरात जुने, न वापरले जाणारे बूट-चप्पल असतील, तर त्यांनाही घरातून बाहेर काढा. सोबतच, घरातील स्टोअर रूमचीही चांगली साफसफाई करा. यामुळे शनिदेवाची कृपा तुमच्यावर राहील.
सुकलेलं शमीचं रोप
शमीच्या रोपाचा संबंध शनिदेवाशी आहे. जर तुमच्या घरात शमीचं रोप असेल आणि ते सुकलं असेल, तर त्याला एखाद्या नदीत किंवा तळ्यात विसर्जित करा आणि त्याच्या जागी नवीन रोप आणून लावा. शमीच्या रोपाला रोज पाणी दिल्याने शनिदेव प्रसन्न होतात.
तुटलेली-फुटलेली भांडी
घरात काही भांडी अशीही असतात जी तुटलेली किंवा फुटलेली असतात. त्यांचा काही उपयोगही नसतो. अशी भांडी घरातून काढून टाकावीत. शनि जयंतीपूर्वी हे काम नक्की करा, जेणेकरून शनिदेव तुमच्यावर प्रसन्न होतील.
Disclaimer
या लेखातील माहिती धर्मग्रंथ, विद्वान आणि ज्योतिषांकडून घेतली आहे. आम्ही फक्त ही माहिती तुमच्यापर्यंत पोहोचवण्याचं एक माध्यम आहोत. वाचकांनी या माहितीला केवळ सूचना म्हणूनच समजावं.
