Upcoming Cars In November : ७१५ किमी रेंज...; नोव्हेंबरमध्ये भारतात लाँच होणार या 5 कार

नोव्हेंबर महिन्यात भारतीय ऑटो मार्केटमध्ये अनेक नवीन कार्सची एन्ट्री होणार आहे. मर्सिडीज बेंझ GLC इलेक्ट्रिक, डेन्झा D9, JSW कॉम्बॅट आणि इनोव्हा हायक्रॉस फेसलिफ्ट या कार्सचे संपूर्ण डिटेल्स…

Image Credit : Gemini

नोव्हेंबरमध्ये लाँच होणाऱ्या नवीन कार्स

गेल्या दोन महिन्यांत सणासुदीच्या काळात अनेक नवीन कार्स लाँच झाल्या. आता येत्या नोव्हेंबर महिन्यातही भारतीय बाजारात अनेक नवीन कार्स रांगेत उभ्या आहेत.

या नोव्हेंबरच्या लिस्टमध्ये प्रामुख्याने प्रीमियम आणि लक्झरी कार्सचा समावेश आहे. विशेषतः मर्सिडीज बेंझ, BYD चा 'डेन्झा' ब्रँड आणि JSW मोटर्सच्या नवीन मॉडेल्सची ग्राहकांमध्ये मोठी उत्सुकता आहे. नोव्हेंबरमध्ये लाँच होणाऱ्या या प्रमुख कार्सचे संपूर्ण डिटेल्स आपण सविस्तर जाणून घेऊया.

Image Credit : X

मर्सिडीज बेंझ GLC इलेक्ट्रिक (Mercedes-Benz GLC Electric)

लक्झरी कार मार्केटमध्ये इलेक्ट्रिक वाहनांची मागणी वेगाने वाढत आहे. हे लक्षात घेऊन मर्सिडीज बेंझ आपली नवीन GLC इलेक्ट्रिक कार ४ नोव्हेंबरला भारतात लाँच करत आहे.

अपेक्षित किंमत - ८० लाख ते ८५ लाख रुपये

वैशिष्ट्ये:

यात ९४kWh क्षमतेची पॉवरफुल बॅटरी दिली आहे. टेस्टिंग डेटानुसार, फुल चार्ज केल्यावर ही कार ७१५ किमीपर्यंतची रेंज देते. यातील दोन इलेक्ट्रिक मोटर्स ४९० hp पॉवर आणि ८०० Nm टॉर्क जनरेट करतात. ऑल-व्हील ड्राईव्ह (AWD) सिस्टीम हे या कारचे मुख्य वैशिष्ट्य आहे.

Image Credit : X

डेन्झा D9 आणि Z9 GT (Denza D9 & Z9 GT)

चीनच्या BYD कंपनीचा लक्झरी कार ब्रँड 'डेन्झा' (Denza) १३ नोव्हेंबरला भारतात अधिकृतपणे लाँच होत आहे. या दिवशी 'डेन्झा D9' आणि 'डेन्झा Z9 GT' हे दोन मॉडेल्स मार्केटमध्ये उतरतील.

डेन्झा D9 (D9):

मोठ्या कुटुंबांसाठी डिझाइन केलेल्या या लक्झरी MPV मध्ये १०३kWh ची बॅटरी आहे. याची फ्रंट इलेक्ट्रिक मोटर ३१३ hp पॉवर आणि ३६० Nm टॉर्क देते. आंतरराष्ट्रीय WLTP नुसार ही कार फुल चार्जवर ५२० किमी धावते.

डेन्झा Z9 GT (Z9 GT):

स्पोर्टी 'शूटिंग ब्रेक' डिझाइन असलेल्या या इलेक्ट्रिक मॉडेलमध्ये १२२.५kWh बॅटरी आणि तीन इलेक्ट्रिक मोटर्स आहेत. या मोटर्स मिळून ११५६ hp पॉवर जनरेट करतात. WLTP डेटानुसार ६०० किमी रेंज देणाऱ्या या कारची किंमत ८० लाख ते १ कोटी रुपयांपर्यंत असू शकते.

Image Credit : X

JSW कॉम्बॅट (JSW Combat)

स्टील आणि सिमेंट क्षेत्रात आघाडीवर असलेल्या JSW ग्रुपने MG मोटर्सचे बहुतांश शेअर्स खरेदी केले आहेत. आता ही कंपनी स्वतःच्या ब्रँडखाली कार्स लाँच करण्याच्या तयारीत आहे.

JSW ने चीनच्या 'चेरी' (Chery) या वाहन कंपनीसोबत भागीदारी केली आहे. चेरीच्या 'जेटूर T2' (Jetour T2) मॉडेलला रिबॅज करून कंपनी 'JSW कॉम्बॅट' या नावाने मार्केटमध्ये आणणार आहे. ही नवीन कार १५ नोव्हेंबरला भारतात लाँच होण्याची शक्यता आहे.

Image Credit : X

टोयोटा इनोव्हा हायक्रॉस फेसलिफ्ट (Toyota Innova Hycross Facelift)

भारतीय ग्राहकांमध्ये प्रचंड लोकप्रिय असलेल्या टोयोटा इनोव्हा हायक्रॉसचे फेसलिफ्ट (Facelift) मॉडेल २६ नोव्हेंबरला लाँच होणार असल्याची माहिती समोर आली आहे.

अपेक्षित किंमत - २० लाख ते ३४ लाख रुपये (एक्स-शोरूम).

बदल आणि वैशिष्ट्ये:

या नवीन मॉडेलच्या फ्रंट डिझाइन, ग्रिल, हेडलाईट्स आणि केबिन फीचर्समध्ये मोठे बदल केले आहेत. यात सध्याचे २.० लिटर पेट्रोल आणि स्ट्रॉंग हायब्रिड इंजिनचे पर्याय कायम राहतील. याशिवाय, E85 इंधनावर (Flex-Fuel) चालणारे मॉडेलही यात लाँच केले जाईल, अशी ऑटोमोबाईल क्षेत्रात चर्चा आहे.