WhatsApp Group Updates : व्हॉट्सॲप ग्रुपमध्ये आले 4 भन्नाट फीचर्स, काय आहेत बदल?
व्हॉट्सॲपने युजर्सचा ग्रुप चॅटचा अनुभव आणखी सोपा करण्यासाठी ४ नवीन आणि महत्त्वाचे फीचर्स लाँच केले आहेत. या नव्या अपडेट्समुळे युजर्सना ग्रुपमधील संवादात कोणताही अडथळा न येता चॅटिंगचा आनंद घेता येणार आहे.
व्हॉट्सॲपचे नवीन अपडेट
लोकप्रिय मेसेजिंग ॲप व्हॉट्सॲपने नुकतेच अकाउंट नसलेल्यांनाही कॉलमध्ये जोडण्यासाठी 'गेस्ट कॉल्स' (Guest Calls) फीचर आणले होते. आता मेटाने व्हॉट्सॲप ग्रुप चॅट्ससाठी ४ नवीन फीचर्सची घोषणा केली आहे.
ग्रुपमध्ये नव्याने येणाऱ्या सदस्यांना जुने विषय समजायला आणि जुन्या युजर्सना चॅटिंग पुढे सुरू ठेवायला या फीचर्सची मोठी मदत होणार आहे.
व्हॉट्सॲपचे ४ नवीन फीचर्स
कायमस्वरूपी मेसेज पिन (Pin) करण्याची सुविधा:
याआधी व्हॉट्सॲप ग्रुपमध्ये महत्त्वाचे मेसेज फक्त २४ तास, ७ दिवस किंवा ३० दिवसांसाठीच पिन करता येत होते. पण या नव्या अपडेटमुळे युजर्स आता महत्त्वाचे मेसेज 'कायमस्वरूपी' (Permanently / Forever) पिन करून ठेवू शकतात.
नवीन सदस्यांना जुने मेसेज पाठवण्याची सुविधा
ग्रुपमध्ये नव्याने जोडल्या गेलेल्या व्यक्तींना आता अलीकडच्या चॅटची हिस्ट्री (Message History) पाठवण्याची नवीन सुविधा मिळाली आहे. ग्रुप ॲडमिन्स नवीन सदस्याच्या नावावर क्लिक करून अलीकडचे मेसेज शेअर करू शकतात. हे मेसेज पूर्णपणे एंड-टू-एंड एन्क्रिप्टेड (End-to-End Encrypted) आणि सुरक्षित असतील. पूर्वी फक्त सदस्य ॲड करतानाच हिस्ट्री शेअर करता येत होती, आता ॲड केल्यानंतरही ती शेअर करता येईल.
मेन्शन्स (Mentions) फिल्टर करण्याची सुविधा
ग्रुप चॅटमध्ये तुम्हाला टॅग (Tag/Mention) करून पाठवलेले मेसेज वेगळे फिल्टर करून पाहण्याची सुविधा आता ॲड करण्यात आली आहे. तुम्ही जेव्हा हा फिल्टर वापराल, तेव्हा फक्त तुम्हाला टॅग केलेले मेसेजच वेगळे दिसतील. यामुळे महत्त्वाचे मेसेज शोधणे सोपे होईल.
ग्रुप स्टेटस (Group Status) फीचर
युजर्स आता फक्त एका विशिष्ट ग्रुपला दिसेल असे 'ग्रुप स्टेटस' ठेवू शकणार आहेत. नेहमीच्या स्टेटसप्रमाणेच यातही तुम्ही फोटो आणि व्हिडिओ शेअर करू शकता. हे स्टेटस २४ तासांनंतर आपोआप नाहीसे होईल. ग्रुपमधील इतर सदस्य यावर रिॲक्ट करू शकतात आणि स्वतःचे स्टेटसही यात जोडू शकतात.
