- Home
- Utility News
- Best SUVs Under 8 Lakhs : 8 लाखांच्या आत मिळणाऱ्या बेस्ट SUV; मायलेज आणि सेफ्टीमध्ये एकदम टॉप
Best SUVs Under 8 Lakhs : 8 लाखांच्या आत मिळणाऱ्या बेस्ट SUV; मायलेज आणि सेफ्टीमध्ये एकदम टॉप
बजेट SUV गाड्यांना मार्केटमध्ये नेहमीच मोठी डिमांड असते. तुमचं बजेट ८ लाख रुपये असेल, तर या बजेटमध्ये तुम्हाला बेस्ट मायलेज आणि सेफ्टी देणाऱ्या गाड्या मिळतील. या लिस्टमध्ये मारुती, टाटा, स्कोडा आणि ह्युंदाईच्या गाड्यांचे फीचर्स आणि किमती.
८ लाखांच्या आत बेस्ट SUV ऑप्शन्स
तुमचं बजेट ८ लाख रुपये आहे का? फॅमिलीसाठी एखादी मस्त SUV घेण्याचा विचार करताय? मार्केटमध्ये आता जबरदस्त ऑप्शन्स उपलब्ध आहेत. मारुती सुझुकी ब्रेझा, टाटा नेक्सॉन, स्कोडा कायलाक आणि ह्युंदाई व्हेन्यू या गाड्या ग्राहकांची पहिली पसंती ठरत आहेत. पण या चारपैकी कोणती गाडी तुमच्या पैशांचं योग्य मूल्य देईल, हे ठरवणं थोडं कठीण आहे. या लोकप्रिय SUV गाड्यांची किंमत, मायलेज, इंजिन ऑप्शन्स आणि सेफ्टी फीचर्स.
मारुती सुझुकी ब्रेझा: जबरदस्त लूक आणि दमदार परफॉर्मन्स
मारुती सुझुकी ब्रेझाची सुरुवातीची किंमत ७.३९ लाख रुपये (एक्स-शोरूम) आहे. कंपनीने यात 1.5 लिटर K15C पेट्रोल इंजिन दिलंय. हे इंजिन अतिशय स्मूथ परफॉर्मन्स देतं. या गाडीचं इंटिरिअर खूप आरामदायक असून केबिनमध्ये चांगला लेगरूम मिळतो. फीचर्सबद्दल बोलायचं तर, यात ९ इंचांची टचस्क्रीन, इलेक्ट्रिक सनरूफ, हेड्स-अप डिस्प्ले आणि वायरलेस चार्जर मिळतो. सेफ्टीसाठी यात ६ एअरबॅग्स, ABS, EBD आणि ESP दिले आहेत. ही गाडी सहज १७ ते २० किलोमीटरचं मायलेज देते.
टाटा नेक्सॉन: ५-स्टार सेफ्टी आणि सुपर मायलेज
टाटा नेक्सॉनची सुरुवातीची किंमतही ७.३९ लाख रुपये (एक्स-शोरूम) आहे. ही गाडी 1.2 लिटर टर्बो-पेट्रोल आणि 1.5 लिटर डिझेल इंजिन ऑप्शनसह येते. नेक्सॉनला ५ स्टार सेफ्टी रेटिंग मिळालं आहे. शिवाय, यात ६ एअरबॅग्स स्टँडर्ड मिळतात. गाडीच्या आत १०.२५ इंचांची टचस्क्रीन, डिजिटल क्लस्टर, ३६० डिग्री कॅमेरा आणि व्हेंटिलेटेड सीट्ससारखे मॉडर्न फीचर्स आहेत. याचं पेट्रोल मॉडेल १७ ते १७.५ किमी मायलेज देतं, तर डिझेल मॉडेल तब्बल २३ ते २४ किलोमीटरचं मायलेज देतं.
स्कोडा कायलाक: प्रीमियम डिझाईन आणि पॉवरफुल इंजिन
स्कोडा कायलाकची सुरुवातीची किंमत ७.५९ लाख रुपये (एक्स-शोरूम) आहे. कंपनीने यात 1.0 लिटर TSI टर्बो-पेट्रोल इंजिन दिलंय. हे इंजिन 115PS पॉवर आणि 178Nm टॉर्क जनरेट करतं. या गाडीत ४४६ लिटरची बूट स्पेस मिळते. फॅमिली ट्रिपसाठी ही स्पेस खूप मोठी आहे. यात १०.१ इंचांची टचस्क्रीन, व्हेंटिलेटेड सीट्स आणि ऑटोमॅटिक क्लायमेट कंट्रोलसारखे फीचर्स आहेत. सेफ्टीसाठी ६ एअरबॅग्स आणि रोलओव्हर प्रोटेक्शन दिलंय. या गाडीचं मायलेज साधारण १८ ते १९ किलोमीटर आहे.
ह्युंदाई व्हेन्यू: अर्बन स्टाईल आणि ॲडव्हान्स टेक्नॉलॉजी
ह्युंदाई व्हेन्यूची सुरुवातीची किंमत ७.९९ लाख रुपये (एक्स-शोरूम) पासून सुरू होते. यात 1.2 लिटर पेट्रोल, 1.0 लिटर टर्बो-पेट्रोल आणि 1.5 लिटर डिझेल इंजिनचे ऑप्शन्स आहेत. व्हेन्यूची केबिन खूप प्रॅक्टिकल आहे. यात रिक्लायनिंग रिअर सीट्स आणि अँबियंट लायटिंग मिळते. तसेच ८ इंचांची टचस्क्रीन, ब्लूलिंक कनेक्टेड कार टेक आणि लेव्हल-2 ADAS सारखे सेफ्टी फीचर्स आहेत. सर्व व्हेरियंट्समध्ये ६ एअरबॅग्स स्टँडर्ड मिळतात. इंजिननुसार या गाडीचं मायलेज १७ ते २१ किलोमीटरपर्यंत मिळतं.
तुमच्या फॅमिलीसाठी कोणती SUV बेस्ट?
तुम्हाला कोणतंही टेन्शन न घेता चांगलं मायलेज आणि कमी मेंटेनन्स हवा असेल, तर मारुती ब्रेझा हा उत्तम पर्याय आहे. जास्त सेफ्टी आणि डिझेल इंजिन हवं असणाऱ्यांसाठी टाटा नेक्सॉन परफेक्ट चॉईस ठरते. तुम्हाला पॉवरफुल ड्रायव्हिंग एक्सपिरियन्स आणि मोठी बूट स्पेस आवडत असेल, तर तुम्ही स्कोडा कायलाक निवडू शकता. आणि जर तुम्हाला मॉडर्न डिझाईन आणि ADAS सारखे ॲडव्हान्स फीचर्स हवे असतील, तर ह्युंदाई व्हेन्यू तुमच्यासाठी एकदम योग्य गाडी आहे.
