- Home
- Utility News
- Top 5 Electric Scooters : हिरो विडा ते एथर रिझ्टा, भारतात सर्वाधिक विकले जाणारे टॉप 5 ई-स्कूटर्स
Top 5 Electric Scooters : हिरो विडा ते एथर रिझ्टा, भारतात सर्वाधिक विकले जाणारे टॉप 5 ई-स्कूटर्स
सप्टेंबर २०२६ मध्ये भारतीय दुचाकी बाजारात इलेक्ट्रिक स्कूटर्सच्या विक्रीने ६७.४९ टक्क्यांची मोठी झेप घेतली आहे. यात टीव्हीएस आयक्यूबने ४५,३२० युनिट्स विकून पहिला क्रमांक पटकावला आहे.
टॉप ५ इलेक्ट्रिक स्कूटर्सची माहिती
सप्टेंबर २०२६ मध्ये भारतीय दुचाकी बाजारात सर्वाधिक विकल्या गेलेल्या टॉप ५ इलेक्ट्रिक स्कूटर्सची अधिकृत आकडेवारी समोर आली आहे. गेल्या वर्षी सप्टेंबरमध्ये १,११,४६३ ई-स्कूटर्स विकल्या गेल्या होत्या. यंदा सप्टेंबरमध्ये हा आकडा ६७.४९ टक्क्यांनी वाढून १,८६,६९२ युनिट्सवर पोहोचला आहे.
सणासुदीच्या काळात ई-स्कूटर्सची मागणी वेगाने वाढत आहे. चला तर मग, गेल्या महिन्यात भारतात सर्वाधिक विकल्या गेलेल्या टॉप ५ इलेक्ट्रिक स्कूटर्सची यादी पाहूया.
टीव्हीएस आयक्यूब (TVS iQube)
भारतीय ई-स्कूटर मार्केटमध्ये टीव्हीएस आयक्यूबने बजाज चेतकला मागे टाकत सप्टेंबर महिन्यात पहिला क्रमांक पटकावला आहे. कंपनीने सप्टेंबरमध्ये तब्बल ४५,३२० युनिट्सची विक्री केली. सप्टेंबर २०२५ मधील ३०,८२० युनिट्सच्या तुलनेत यंदा विक्रीत ४७.०५% वाढ झाली आहे. तसेच, ऑगस्ट महिन्याच्या तुलनेतही ५.६९% ची वाढ पाहायला मिळाली आहे.
बजाज चेतक (Bajaj Chetak)
मजबूत मेटल बॉडी आणि क्लासिक लूकसाठी प्रसिद्ध असलेल्या बजाज चेतकने या यादीत दुसरा क्रमांक मिळवला आहे. सप्टेंबर महिन्यात कंपनीने ४२,३९४ युनिट्स विकले. गेल्या वर्षीच्या तुलनेत यात ३८.७३% वाढ झाली आहे. मात्र, ऑगस्ट महिन्यातील ५२,२४८ युनिट्सच्या तुलनेत सप्टेंबरमध्ये विक्री १८.८६ टक्क्यांनी घसरली आहे.
हिरो विडा (Hero Vida)
भारतातील सर्वात मोठी दुचाकी कंपनी हिरो मोटोकॉर्पने बनवलेल्या विडा इलेक्ट्रिक स्कूटरने ग्राहकांची पसंती मिळवत तिसरे स्थान गाठले आहे. सप्टेंबर महिन्यात कंपनीने एकूण २८,८६२ युनिट्सची विक्री करून बाजारात आपली पकड आणखी मजबूत केली आहे.
एथर रिझ्टा (Ather Rizta)
खास फॅमिलीसाठी डिझाइन केलेल्या आणि भरपूर स्पेस असलेल्या एथर रिझ्टा ई-स्कूटरने या टॉप ५ यादीत चौथा क्रमांक मिळवला आहे. सप्टेंबर महिन्यात या स्कूटरचे एकूण १९,८१३ युनिट्स विकले गेले आहेत. मध्यमवर्गीय कुटुंबांमध्ये या स्कूटरची लोकप्रियता वेगाने वाढत आहे.
टीव्हीएस ऑर्बिटर (TVS Orbiter)
टीव्हीएसची आणखी एक नवीन ई-स्कूटर 'टीव्हीएस ऑर्बिटर' ग्राहकांच्या पसंतीस उतरली आहे. या स्कूटरने थेट टॉप ५ मध्ये एन्ट्री मारली आहे. सप्टेंबर महिन्यात या मॉडेलचे १७,०२७ युनिट्स विकले गेले आणि याने पाचवा क्रमांक मिळवला.
एकूण ई-स्कूटर मार्केट गेल्या वर्षीच्या तुलनेत वाढले असले तरी, ऑगस्टच्या तुलनेत सप्टेंबरमध्ये थोडी घसरण पाहायला मिळाली आहे.
