- Home
- Utility News
- Long Range Scooters : सिंगल चार्जवर 400 किमी, मार्केटमध्ये हवा करणारे टॉप 3 इलेक्ट्रिक स्कूटर्स
Long Range Scooters : सिंगल चार्जवर 400 किमी, मार्केटमध्ये हवा करणारे टॉप 3 इलेक्ट्रिक स्कूटर्स
इलेक्ट्रिक स्कूटर घेताना सर्वात मोठी अडचण असते ती रेंजची. पण आता भारतात 265 किमी ते थेट 400 किमीपर्यंत IDC रेंज देणारे स्कूटर्स उपलब्ध आहेत. जाणून घ्या या टॉप 3 स्कूटर्सचे फीचर्स आणि किंमती.
High Range Electric Scooters
पेट्रोलच्या वाढत्या किमतींमुळे अनेकजण आता इलेक्ट्रिक स्कूटरकडे वळत आहेत. मात्र, इलेक्ट्रिक स्कूटर घेताना सर्वात मोठा प्रश्न असतो तो म्हणजे 'एकदा चार्ज केल्यावर किती किलोमीटर धावेल?'
या प्रश्नाला उत्तर म्हणून भारतीय बाजारात आता जास्त रेंज देणाऱ्या अनेक ई-स्कूटर्स उपलब्ध आहेत. यामध्ये ४०० किमी रेंज देणारी Simple Ultra, ३२० किमी रेंज असणारी Ola S1 Pro+ आणि २६५ किमी रेंज देणारी Simple One या तीन स्कूटर्सचा विचार करता येईल.
Simple Ultra: 400 km Range
बेंगळुरूच्या 'सिम्पल एनर्जी' कंपनीची Simple Ultra ही ई-स्कूटर जास्त रेंजसाठी ओळखली जाते. यामध्ये ६.५ kWh क्षमतेची बॅटरी दिली आहे.
कंपनीच्या दाव्यानुसार, ही स्कूटर फुल चार्जवर ४०० किमीपर्यंत जाऊ शकते. तिचा टॉप स्पीड ११५ किमी/तास असून ती ०-४० किमी/तास वेग अवघ्या २.७७ सेकंदात गाठते.
यात ७ इंचाची डिजिटल स्क्रीन, ट्रॅक्शन कंट्रोल आणि विविध रायडिंग मोड्स आहेत.
किंमत: ₹२,३४,९९९ (एक्स-शोरूम).
लांबच्या प्रवासासाठी ही एक उत्तम ई-स्कूटर ठरू शकते.
Ola S1 Pro+: 320 km Range
या यादीतील दुसरी ई-स्कूटर म्हणजे ओला इलेक्ट्रिकची Ola S1 Pro+. यात ५.२ kWh बॅटरी आहे.
कंपनीनुसार, या स्कूटरची आयडीसी रेंज ३२० किमी आहे. हिचा टॉप स्पीड १३० किमी/तास असून ती अवघ्या २.१ सेकंदात ०-४० किमी/तास वेग पकडते.
यात हायपर, स्पोर्ट्स, नॉर्मल आणि इको हे चार रायडिंग मोड्स आहेत. ०-८०% चार्ज होण्यासाठी याला साडेचार तास लागतात.
किंमत: ₹१,७९,९९९ (एक्स-शोरूम).
कमी किमतीत जास्त रेंज हवी असेल, तर ही स्कूटर एक चांगला पर्याय आहे.
Simple One: 265 km Range
या यादीत तिसऱ्या क्रमांकावर सिम्पल एनर्जीची Simple One आहे. यात ५ kWh बॅटरी दिली आहे.
फुल चार्जवर ही स्कूटर २६५ किमी आयडीसी रेंज देते, असा कंपनीचा दावा आहे. हिचा टॉप स्पीड ११५ किमी/तास आहे आणि ती २.५५ सेकंदात ०-४० किमी/तास वेग घेते.
यात ट्रॅक्शन कंट्रोल, रिजनरेटिव्ह ब्रेकिंग, नेव्हिगेशन, कॉल आणि म्युझिक कंट्रोल हे फीचर्स आहेत. ०-८०% चार्ज होण्यासाठी ५ तास २० मिनिटे लागतात.
किंमत: ₹२,०४,९९९ (एक्स-शोरूम).
वेग आणि रेंज दोन्ही हवे असल्यास या स्कूटरचा विचार करता येईल.
Are These Numbers Real?
ई-स्कूटर घेण्यापूर्वी एक महत्त्वाची गोष्ट समजून घ्या.
वर दिलेल्या सर्व रेंज या आयडीसी (Indian Driving Cycle) चाचणीनुसार आहेत. याचा अर्थ, रस्त्यावर चालवताना नेहमी तेवढीच रेंज मिळेल याची खात्री नसते.
तुमचा वेग, गाडी चालवण्याची पद्धत, वजन, रस्त्यांची स्थिती, ट्रॅफिक, एसी किंवा इतर इलेक्ट्रिक फीचर्सचा वापर आणि हवामान यावर खरी रेंज अवलंबून असते.
उदाहरणार्थ, जास्त वेगाने गाडी चालवल्यास बॅटरी लवकर संपते. वारंवार ब्रेक लावल्यास त्याचाही परिणाम रेंजवर होतो.
त्यामुळे केवळ जाहिरातीतील जास्त रेंज बघून स्कूटर घेऊ नका. तुमच्या दैनंदिन प्रवासाची गरज, चार्जिंगची सोय, आफ्टर सेल्स सर्व्हिस आणि बॅटरी वॉरंटी या सर्व गोष्टी तपासून पाहा.
कोणती स्कूटर घ्यावी?
- सर्वात जास्त रेंज: Simple Ultra.
- जास्त वेग आणि ३२० किमी आयडीसी रेंज: Ola S1 Pro+.
- स्मार्ट फीचर्स आणि २६५ किमी रेंज: Simple One.
खरेदी करण्यापूर्वी तुमच्या जवळील शोरूममध्ये टेस्ट राईड नक्की घ्या आणि बॅटरी वॉरंटी, सर्व्हिसिंग सुविधांची माहिती करून घ्या.
