थर्ड पार्टी वाहन विमा: फायदे आणि तोटे
थर्ड पार्टी कार विमा म्हणजे काय आणि त्याचे फायदे: थर्ड पार्टी कार विमा पॉलिसी विमा उतरवलेल्या कारमुळे तृतीय पक्षाला झालेल्या जखमांमुळे उद्भवणाऱ्या कोणत्याही कायदेशीर जबाबदारीविरुद्ध कव्हरेज प्रदान करते.
थर्ड पार्टी कार विमा म्हणजे काय आणि त्याचे फायदे: वाहनांचा विमा उतरवणे खूप महत्वाचे आहे. याचे अनेक फायदे आहेत. विशेषतः थर्ड पार्टी कार विमा उतरवावा असे ऑटो क्षेत्रातील तज्ञ सांगतात. हा थर्ड पार्टी कार विमा नेमका काय आहे? त्याचे फायदे काय आहेत?
थर्ड पार्टी विमा हा मोटार वाहन कायदा, १९८८ नुसार वाहनांसाठी घेणे बंधनकारक आहे. हा विमा रस्त्यावर इतर व्यक्तीला (थर्ड पार्टी) होणाऱ्या नुकसानीपासून किंवा जखमेपासून आर्थिक संरक्षण प्रदान करतो. हा विमा प्रामुख्याने थर्ड पार्टीमुळे होणाऱ्या नुकसानीसाठी असतो. थेट तुमच्या स्वतःच्या कारचे किंवा तुमचे झालेले नुकसान कव्हर करत नसले तरी, अप्रत्यक्षपणे खूप मदत करतो.
थर्ड पार्टी विमा कशासाठी लागतो?
थर्ड पार्टी वाहनाचे नुकसान झाल्यास.. म्हणजेच तुमच्या कारमुळे दुसऱ्याच्या वाहनाचे नुकसान झाल्यास हा विमा खर्च कव्हर करतो. अपघातात एवढी व्यक्ती जखमी झाली किंवा मृत्यू झाला, तर हा विमा त्यांना आर्थिक मदत करतो. म्हणजेच एक प्रकारे तुमच्यावर ओझे पडू न देता, तुमच्या वाहनामुळे झालेल्या नुकसानीची भरपाई म्हणून आर्थिक मदत मिळते.
तुमच्या वाहनामुळे कोणाच्याही मालमत्तेचे नुकसान झाल्यास, नुकसान भरपाई दिली जाते. मात्र, यासाठी मर्यादा असतात हे लक्षात ठेवावे. कमाल ₹७.५ लाखांपर्यंत असू शकते असे अनेक अहवाल सांगतात. योजनांनुसार हे बदलू शकते.
थर्ड पार्टी विम्याचे फायदे काय आहेत?
कायदेशीर आवश्यकता पूर्ण करते. कायद्यानुसार हा विमा घेणे बंधनकारक आहे. यामुळे तुम्ही दंडापासून वाचू शकता. मोठ्या अपघातांमध्ये, तृतीय पक्षांना नुकसान होण्याचा खर्च खूप जास्त असतो. हा विमा आर्थिक ओझ्यापासून वाचवतो.
सोपी दावा प्रक्रिया म्हणजे अपघात झाल्यानंतर, तृतीय पक्षाला भरपाई देणे सोपे होते, कारण विमा कंपनी जबाबदारी घेते.
थर्ड पार्टी विम्यात काय समाविष्ट नाही?
तुमच्या कारचे नुकसान झाल्यास त्याची किंमत.
तुम्हाला होणाऱ्या जखमा किंवा मृत्यूपासून संरक्षण.
अपघाताच्या वेळी तुमच्या कारच्या देखभालीचा किंवा दुरुस्तीचा खर्च.
थर्ड पार्टी विमा कसा घ्यावा?
ऑनलाइन प्लॅटफॉर्मवरून घेऊ शकता. विमा कंपन्यांच्या वेबसाइटला भेट देऊन तुम्ही थर्ड पार्टी विमा घेऊ शकता. किंवा तुम्ही विमा एजंटशी संपर्क साधू शकता. तुम्ही नवीन कार खरेदी करताना, डीलर तुम्हाला तो घेण्यास मदत करू शकतो.
थर्ड पार्टी विमा पुरेसा आहे का?
तुम्हाला तुमची कार आणि स्वतःला कव्हर करायचे असेल, तर सर्वसमावेशक विमा हा उत्तम पर्याय आहे. पण तुम्हाला कायद्याचे पालन करायचे असेल आणि थर्ड पार्टीला संरक्षण द्यायचे असेल तर थर्ड पार्टी विमा पुरेसा आहे.
तसेच सर्वसमावेशक कार विमा घेणे हा शहाणा निर्णय आहे असेही अनेक विश्लेषक सांगतात. कारण हा एकाच विमा पॉलिसीअंतर्गत तुम्हाला आवश्यक असलेले सर्व फायदे देतो. यामुळे तुम्ही कायद्याचे पालन करण्यासाठी थर्ड पार्टी विमा कव्हरेज मिळवू शकता, तसेच तुमच्या कारचे आणि तुमचे नुकसान कव्हर करण्यासही मदत मिळते.