Hair Growth: उन्हाळ्यात लावा 'ही' तेलं, केस वाढतील दुप्पट वेगाने!

उन्हाळ्यात केस खूप गळतात म्हणून त्रस्त आहात? काळजी सोडा. काही खास तेलं वापरल्यास केसगळती तर थांबेलच, पण केसांची वाढही दुप्पट वेगाने होईल.

Image Credit : Getty

Hair Oil

उन्हाळा आला की केसांच्या समस्या डोकं वर काढतात. घाम आणि धुळीमुळे केस कोरडे आणि निस्तेज होतात, शिवाय केसांमध्ये गुंताही खूप होतो. अशावेळी केसांना तेल लावायला अनेकजण घाबरतात. तेल आणि घामामुळे केस चिकट होऊन जास्त गळतील अशी भीती वाटते. पण काही तेलं अशी आहेत, जी लावल्यास केसगळती पूर्णपणे थांबते. केसांच्या चांगल्या वाढीसाठी योग्य तेल निवडणं आणि ते योग्य पद्धतीने लावणं खूप महत्त्वाचं आहे. चला तर मग पाहूया उन्हाळ्यात केसांच्या वाढीसाठी कोणती तेलं फायदेशीर आहेत.

Image Credit : Getty

अ‍ॅव्होकॅडो तेल...

उन्हाळ्यात तुमचे केस कमजोर आणि निर्जीव झाले असतील, तर अ‍ॅव्होकॅडो तेल (Avocado oil) तुमच्यासाठी बेस्ट आहे. यात व्हिटॅमिन ए, बी, डी, ई आणि फॅटी ॲसिड भरपूर प्रमाणात असतात. हे तेल केसांना चांगलं पोषण देतं आणि केसांमध्ये एक वेगळीच चमक आणतं. बदामाचं तेल (Almond oil) वजनाने हलकं असतं आणि केसांना उत्तम पोषण देतं. यात व्हिटॅमिन ई, मॅग्नेशियम आणि ओमेगा फॅटी ॲसिडस् असतात. हे घटक केसांना मजबूत करतात आणि तुटण्यापासून वाचवतात. आठवड्यातून एकदा याचा वापर करणं फायदेशीर ठरतं. जोजोबा तेल (Jojoba oil) तेलकट टाळूसाठी खूप चांगलं मानलं जातं. या तेलामुळे केसातला कोंडा कमी होतो. तर, केसांच्या टोकांना आरगन तेल (Argan oil) लावल्यास केसांचा गुंता कमी होतो आणि केस चमकदार दिसतात.

Image Credit : stockPhoto

या तेलांचा वापर कसा करायचा....

केसांना कधीही जास्त तेल लावू नका. थोडंसं तेल घेऊन टाळूवर हलक्या हातांनी मसाज करा. यामुळे रक्ताभिसरण सुधारतं आणि केसांची वाढ वेगाने होते. तेल थोडं कोमट करून लावल्यास जास्त फायदा होतो. उन्हात बाहेर जाण्यापूर्वी केसांना थोडं तेल लावल्यास केस खराब होण्यापासून वाचतात. रात्री तेल लावून दुसऱ्या दिवशी केस धुतल्यास ते अधिक सुंदर आणि चमकदार दिसतात.