- Home
- Utility News
- Virat Kohli : 'टेस्ट निवृत्ती जाहीर करून कोहली सोपा फॉरमॅट खेळतोय', टीम इंडियाच्या माजी क्रिकेटपटूची नाराजी
Virat Kohli : 'टेस्ट निवृत्ती जाहीर करून कोहली सोपा फॉरमॅट खेळतोय', टीम इंडियाच्या माजी क्रिकेटपटूची नाराजी
Virat Kohli : माजी क्रिकेटपटू संजय मांजरेकर यांनी विराट कोहलीच्या कसोटी क्रिकेटमधून निवृत्ती जाहीर करण्यावर निराशा व्यक्त केली आहे. गेल्या पाच वर्षांत कसोटीत कोहलीची सरासरी केवळ 31 आहे, पण दोन फॉरमॅटमधून माघार घेऊन...
फॅब फोरपैकी एक -
विराट कोहली, स्टीव्ह स्मिथ, केन विल्यमसन आणि जो रूट हे सध्याच्या क्रिकेट विश्वातील 'फॅब फोर' आहेत. गेल्या दशकापासून हे चौघेही उत्कृष्ट कामगिरी करत असून, सर्व फॉरमॅटमध्ये त्यांनी आपली छाप सोडली आहे. पण, कोहली वगळता रूट, विल्यमसन आणि स्मिथ कसोटी क्रिकेटमध्ये आपले कौशल्य दाखवत आहेत.
निवृत्तीवर महत्त्वाची टिप्पणी -
यावेळी, टीम इंडियाचा माजी क्रिकेटपटू संजय मांजरेकर म्हणाला की, विराट कोहलीने कसोटी क्रिकेटमधून निवृत्ती जाहीर केल्याने मला खूप निराशा झाली आहे. मांजरेकर पुढे म्हणाले की, जो रूट कसोटी क्रिकेटमध्ये यशाची शिखरे गाठत असताना, माझे मन मात्र विराट कोहलीकडे जात आहे.
सोपा फॉरमॅट निवडला -
दोन फॉरमॅटमधून निवृत्ती जाहीर करून आणि फक्त एकदिवसीय सामने खेळण्याचा निर्णय घेऊन कोहलीने क्रिकेटमधील 'सोपा फॉरमॅट' निवडला आहे, असे मांजरेकर म्हणाले. २०११ मध्ये वेस्ट इंडिज दौऱ्यात भारताचा २६९ वा कसोटीपटू म्हणून पदार्पण करणाऱ्या विराटने १४ वर्षांच्या कारकिर्दीत धावांचा डोंगर रचला आणि एक महान कर्णधार म्हणून उदयास आला.
कसोटीत टीम इंडिया नंबर वन -
कर्णधार म्हणून त्याने टीम इंडियाला कसोटी क्रमवारीत अव्वल स्थानी पोहोचवले. २०१८-१९ मध्ये ऑस्ट्रेलियात ऐतिहासिक मालिका विजय मिळवला. त्याच्या नेतृत्वाखाली भारताने ६८ कसोटी सामन्यांमध्ये ४० विजय मिळवले. त्याने ४२ महिने भारताला कसोटीत अव्वल क्रमांकावर ठेवले. त्यामुळे तो कसोटीतील सर्वात यशस्वी भारतीय कर्णधार ठरला.
त्या मालिकेनंतर कर्णधारपद सोडले -
भारताचा कर्णधार म्हणून सर्वाधिक २० शतके झळकावून त्याने आणखी एक विक्रम केला. त्याच्या नेतृत्वाखाली मायदेशात खेळलेल्या ११ पैकी ११ मालिका जिंकल्या. मात्र, गेल्या चार वर्षांपासून तो हळूहळू फॉर्म गमावत होता. दक्षिण आफ्रिकेतील मालिका पराभवानंतर त्याने कर्णधारपद सोडले. ३७ वर्षीय कोहलीने भारताकडून १२३ कसोटी सामन्यांत ९२३० धावा केल्या, ज्यात ३० शतके आणि ३१ अर्धशतकांचा समावेश आहे.
