Resale Value Bikes: या आहेत 'पैसे वसूल' बाईक्स, गाड्या विकताना होणार मोठा फायदा
Resale Value Bikes: नवीन बाईक घेतान तिच्या रिसेल व्हॅल्यूचाही विचार होतो. भविष्यात जुनी गाडी विकून नवीन घ्यायची झाल्यास चांगला परतावा मिळावा अशी प्रत्येकाची इच्छा असते. जाणून घ्या अशाच काही बाईक्सबद्दल ज्यांची रिसेल व्हॅल्यू सर्वाधिक आहे.
15
Image Credit : Gemini AI
सेकंड हँड मार्केटमध्ये मोठी मागणी
टू-व्हीलर घेताना अनेकजण आधी किंमत आणि मायलेज बघतात. पण काही वर्षांनी गाडी विकायची झाल्यास किती किंमत मिळेल हेही महत्त्वाचं आहे. चांगल्या रिसेल व्हॅल्यूची बाईक किंवा स्कूटर घेतल्यास भविष्यात तुम्हाला चांगला परतावा मिळतो. विशेषतः, जास्त काळ टिकणाऱ्या आणि विश्वासार्ह गाड्यांना सेकंड हँड मार्केटमध्ये मोठी मागणी असते.
25
Image Credit : Google
हिरो स्प्लेंडर
हिरो स्प्लेंडर ही भारतातल्या सर्वात विश्वासार्ह बाईक्सपैकी एक आहे. तिचं इंजिन साधं असल्यामुळे जास्त खर्च न करता वर्षानुवर्षे चालते. म्हणूनच २-३ वर्षांनंतरही तिला चांगली किंमत मिळते. तर, होंडा ॲक्टिव्हा स्कूटर सेगमेंटमध्ये सर्वात लोकप्रिय मॉडेल आहे. तिची स्मूथ रायडिंग आणि सोपा वापर यामुळे ती सर्व वयोगटातील लोकांना आवडते. शहरांमध्ये सेकंड हँड मार्केटमध्येही तिला चांगली मागणी आहे.
35
Image Credit : Google
होंडा शाईन
ज्यांना थोडी जास्त पॉवर आणि फीचर्स हवे आहेत, त्यांच्यासाठी होंडा शाईन एक चांगला पर्याय आहे. ही बाईक 125cc सेगमेंटमध्ये दमदार परफॉर्मन्स आणि स्मूथ रायडिंगसाठी ओळखली जाते. जास्त काळ वापरल्यानंतरही ती चांगली रिसेल व्हॅल्यू देते. तर, बजाज पल्सर १५० तरुणांमध्ये खूपच प्रसिद्ध आहे. तिचा स्टायलिश लूक आणि पॉवरफुल इंजिन यामुळे सेकंड हँड मार्केटमध्येही ती आकर्षक ठरते. म्हणूनच तिची किंमत लवकर कमी होत नाही.
45
Image Credit : X
रॉयल एनफील्ड क्लासिक 350
रॉयल एनफील्ड क्लासिक 350 ही फक्त एक सामान्य बाईक नाही, तर अनेकांसाठी ती एक फिलिंग आहे. तिचं रेट्रो डिझाइन आणि खास साउंड तिला एक वेगळी ओळख देतो. तिची किंमत जास्त असली तरी, वापरल्यानंतरही तिची व्हॅल्यू लवकर कमी होत नाही. काहीवेळा तर जुन्या मॉडेल्सनाच जास्त मागणी असते.
55
Image Credit : AI
जास्त नुकसान टाळायचं असेल तर...
कमी बजेटमध्ये गाडी घेऊन, नंतर विकताना जास्त नुकसान टाळायचं असेल तर हिरो स्प्लेंडर आणि होंडा ॲक्टिव्हा हे सुरक्षित पर्याय आहेत. चांगला परफॉर्मन्स आणि व्हॅल्यू दोन्ही हवं असेल, तर होंडा शाईन आणि पल्सर 150 उत्तम पर्याय आहेत. पण जर तुम्हाला एक खास अनुभव आणि प्रीमियम फिलिंग हवी असेल, तर रॉयल एनफील्ड क्लासिक 350 तुमच्यासाठी योग्य निवड ठरू शकते.
