Bikes Market: महागाईचं आता नो टेन्शन! स्वस्तात मस्त या आहेत बेस्ट मायलेज बाईक्स
Bikes Market: भारतीय बाजारात कमी बजेटमध्ये जास्त मायलेज देणाऱ्या कम्युटर बाईक्सना मोठी मागणी आहे. रोजच्या प्रवासासाठी 70 हजार रुपयांपर्यंतच्या बजेटमध्ये अनेक चांगले पर्याय उपलब्ध आहेत. जाणून घेऊयात यातील बेस्ट बाईक्स….
कमी बजेटमध्ये जास्त मायलेज देणारी बाईक
कमी बजेटमध्ये जास्त मायलेज देणारी बाईक घ्यायची असेल, तर भारतीय बाजारात अनेक चांगले पर्याय आहेत. रोजच्या ऑफिस किंवा कॉलेज प्रवासासाठी वापरल्या जाणाऱ्या या कम्युटर बाईक्स 100cc ते 110cc इंजिनसह येतात. या बाईक्सची किंमत कमी असते आणि त्या पेट्रोलची बचतही करतात, त्यामुळे अनेकजण त्यांना पसंती देतात. सुमारे 70 हजार रुपयांच्या बजेटमध्येही तुम्ही चांगल्या मायलेजवाल्या बाईक्स खरेदी करू शकता.
इंधन-बचत करणाऱ्या बाईक्स
बजेट बाईक निवडताना बहुतेक लोक सर्वात आधी मायलेज बघतात. पेट्रोलचे दर वाढलेले असताना, 60 ते 70 किमी मायलेज देणाऱ्या बाईक्सना जास्त पसंती मिळते. म्हणूनच हीरो, होंडा, बजाज आणि टीव्हीएससारख्या कंपन्या रोजच्या वापरासाठी इंधन-बचत करणाऱ्या बाईक्स बनवतात. यांचा मेंटेनन्स खर्चही कमी असतो, हा एक मोठा फायदा आहे.
टीव्हीएस स्पोर्ट (TVS Sport)
या यादीत टीव्हीएस स्पोर्ट (TVS Sport) ही एक लोकप्रिय बजेट कम्युटर बाईक आहे. या बाईकची एक्स-शोरूम किंमत सुमारे 55,500 रुपयांपासून सुरू होते. 109.7cc इंजिन असलेली ही मोटरसायकल शहरातल्या प्रवासासाठी पुरेशी शक्ती देते. इंधन बचतीत ही बाईक उत्तम असून, सरासरी सुमारे 70 किलोमीटर मायलेज देते असं म्हटलं जातं. त्यामुळे कमी खर्चात जास्त फायदा देणारं वाहन म्हणून याकडे पाहिलं जातं.
होंडा शाईन 100 (Honda Shine 100)
होंडा शाईन 100 (Honda Shine 100) ही भारतीय बाजारात वेगाने लोकप्रिय झालेली दुसरी कमी किमतीची बाईक आहे. या बाईकची सुरुवातीची एक्स-शोरूम किंमत सुमारे 65,000 रुपये आहे. 98cc इंजिनसह येणारी ही बाईक रायडिंगचा स्मूथ अनुभव देते. रोजच्या कामावर जाणाऱ्या प्रवाशांसाठी ही बाईक अत्यंत सोयीची मानली जाते.
