आरटीओच्या चकरा वाचल्या, पण खर्च वाढला! आरसी बुक आणि ड्रायव्हिंग लायसन्सच्या पोस्टल शुल्कात वाढ; पाहा नवे नियम

License RC Home Delivery Fee Hike 2026 : पुण्यातील वाहनचालकांसाठी ड्रायव्हिंग लायसन्स आणि आरसी बुक घरपोच मिळवण्याची सेवा महाग झाली आहे. परिवहन विभागाने टपाल विभागासोबतच्या करारानुसार शुल्कात वाढ केली. 

Image Credit : Freepik

घरपोच ड्रायव्हिंग लायसन्स आणि RC साठी आता जादा पैसे मोजावे लागणार

पुणे : पुण्यातील वाहनचालकांसाठी महत्त्वाची बातमी आहे. ड्रायव्हिंग लायसन्स आणि आरसी बुक घरपोच मिळवण्याची सुविधा आता थोडी महाग झाली आहे. परिवहन विभागाने टपाल विभागासोबत केलेल्या करारानुसार या सेवेसाठी आकारण्यात येणाऱ्या शुल्कात वाढ करण्यात आली आहे. आतापर्यंत कमी खर्चात मिळणारी ही सोयीची सेवा आता पुणेकरांच्या खिशावर थोडा अधिक भार टाकणार आहे. 

Image Credit : freepik@jcomp

घरपोच सेवा का महत्त्वाची?

ड्रायव्हिंग लायसन्सची परीक्षा दिल्यानंतर किंवा नवीन वाहन खरेदी केल्यानंतर

लायसन्स

आरसी बुक

घरपोच मिळाल्यामुळे नागरिकांचा वेळ वाचतो.

परिवहन कार्यालयात रांगेत उभे राहण्याची गरज राहत नाही

कागदपत्रे सुरक्षित आणि थेट घरी पोहोचतात

मात्र या सुविधेसाठी आता अधिक शुल्क भरावे लागणार आहे. 

Image Credit : Getty

परिवहन विभाग काय म्हणतो?

परिवहन विभागाचे उपप्रादेशिक अधिकारी स्वप्नील भोसले यांनी माहिती दिली की, परिवहन विभागाच्या सूचनेनुसार घरपोच सेवांचे शुल्क सुधारित करण्यात आले आहे. टपाल विभागाशी असलेल्या करारामुळे नागरिकांना जलद, सुरक्षित आणि विश्वासार्ह सेवा दिली जात आहे. 

Image Credit : Getty

किती वाढले शुल्क?

यापूर्वी घरपोच लायसन्स किंवा आरसी बुकसाठी 58 रुपये शुल्क आकारले जात होते.

1 जानेवारीपासून नवीन दर लागू करण्यात आले असून

आता नागरिकांना 70 रुपये शुल्क भरावे लागणार आहे.

म्हणजेच प्रत्येक घरपोच सेवेसाठी थेट 12 रुपयांची वाढ झाली आहे.

Image Credit : Getty

सोय चांगली, पण खर्च वाढला

घरपोच सेवा पुण्यातील वाहनधारकांसाठी नक्कीच सोयीची आहे. वेळेची बचत, कार्यालयातील गर्दीपासून सुटका आणि सुरक्षित वितरण हे याचे फायदे आहेत. मात्र, वाढलेले शुल्क आता पुणेकरांना खिशातून भरावे लागणार आहे.