Budget Laptops : फेस्टिव्ह सेलमध्ये प्राईमबुकचा धमाका! फक्त २४ हजारांत मिळतोय लॅपटॉप, पाहा ऑफर्स

Laptops Under 24000: प्राईमबुक फेस्टिव्ह सेलमध्ये तुम्हाला फक्त २३,९९० रुपयांत लॅपटॉप मिळतोय. यावर ३,००० रुपयांचा डिस्काउंट आणि बँक ऑफर्सही आहेत. जेन २ आणि जेन ३ मॉडेल्सच्या ऑफर्सची संपूर्ण माहिती आपण इथे पाहणार आहोत.

Image Credit : Gemini

२४ हजारांत लॅपटॉप मिळेल यावर विश्वास बसेल? प्राईमबुकची भन्नाट ऑफर

सध्या स्मार्टफोन आणि लॅपटॉपच्या किमती गगनाला भिडल्या आहेत. अशा वेळी स्वस्तात लॅपटॉप मिळाला तर? त्यातही दसरा-दिवाळीच्या मुहूर्तावर बजेटमध्ये लॅपटॉप मिळाला तर मज्जाच येईल ना! भारतीय ब्रँड प्राईमबुकने (Primebook) नेमका हाच प्लॅन केलाय. फेस्टिव्ह सीझन सुरू होण्याआधीच त्यांनी आपल्या लॅपटॉप्सवर भन्नाट ऑफर्स जाहीर केल्या आहेत.

कंपनी सांगतेय की, ५० हजार रुपयांपर्यंतचे फीचर्स ते फक्त २५ हजारांच्या ऑफर प्राईसमध्ये देत आहेत. फ्लिपकार्ट बिग बिलियन डेज आणि ॲमेझॉन ग्रेट इंडियन फेस्टिव्हल सेलमध्ये हे डिस्काउंट्स मिळतील. हे लॅपटॉप्स हेवी गेमिंग किंवा एडिटिंगसाठी नसले तरी, रोजच्या कामांसाठी आणि विद्यार्थ्यांसाठी एकदम परफेक्ट आहेत. चला तर मग, या लॅपटॉपच्या ऑफर्स आणि फीचर्सबद्दल जाणून घेऊया.

Image Credit : X/primebookindia

प्राईमबुक २ निओ: फक्त २३,९९० रुपयांत मिळणारा बजेट लॅपटॉप

या फेस्टिव्ह सेलमध्ये प्राईमबुक २ निओ (Primebook 2 Neo) मॉडेलने सर्वांचं लक्ष वेधून घेतलंय. फ्लिपकार्टवर याची सुरुवातीची किंमत २३,९९० रुपये ठेवली आहे. कंपनी या मॉडेलवर थेट ३,००० रुपयांचा डिस्काउंट देत आहे. याशिवाय इन्स्टंट बँक कार्ड डिस्काउंट वापरून तुम्ही आणखी १,५०० ते २,००० रुपये वाचवू शकता.

प्राईमबुक २ निओ लॅपटॉपमध्ये MediaTek Helio G99 प्रोसेसर दिलाय. यात ६ जीबी रॅम आणि १२८ जीबी स्टोरेज मिळतं. या लॅपटॉपचं वजन फक्त ९९० ग्रॅम आहे. यात ११.६ इंचांचा एचडी आयपीएस डिस्प्ले आणि 29.6Wh ची बॅटरी दिलीय. एकदा फुल चार्ज केल्यावर हा लॅपटॉप ७.५ तास व्हिडिओ प्लेबॅक देतो, असा कंपनीचा दावा आहे.

Image Credit : X/primebookindia

प्राईमबुक २ प्रो आणि मॅक्स: मोठा डिस्प्ले आणि दमदार बॅटरी

ज्यांना मोठी स्क्रीन आणि जास्त काम करण्यासाठी लॅपटॉप हवाय, त्यांच्यासाठी कंपनीने प्राईमबुक २ प्रो (Primebook 2 Pro) आणि प्राईमबुक २ मॅक्स (Primebook 2 Max) मॉडेल्स आणले आहेत.

• Primebook 2 Pro: फ्लिपकार्ट सेलमध्ये याची किंमत २६,९९० रुपये आहे. यावर २,००० रुपयांची सूट मिळतेय. यात MediaTek Helio G99 प्रोसेसर आणि ८ जीबी रॅम आहे.

• Primebook 2 Max: या मॉडेलचा 128GB व्हेरिएंट २७,९९० रुपयांना (३,००० रुपयांच्या डिस्काउंटसह) मिळतोय. ॲमेझॉन आणि फ्लिपकार्ट दोन्हीकडे हा एकाच किमतीत उपलब्ध आहे. यात १५.६ इंचांचा फुल एचडी आयपीएस डिस्प्ले, ८ जीबी रॅम आणि १२८ जीबी स्टोरेज मिळतं. यातील 60.3Wh ची बॅटरी तब्बल १२ तासांची बॅटरी लाईफ देते, असं कंपनीने सांगितलंय.

या दोन्ही मॉडेल्समध्ये फुल एचडी डिस्प्ले, बॅकलिट कीबोर्ड आणि 1440p वेबकॅमसारखे हाय-एंड फीचर्स आहेत. ऑनलाईन क्लासेस, ऑफिसचं काम आणि ब्राउझिंग करणाऱ्यांसाठी हे लॅपटॉप्स खूप फायद्याचे ठरतील.

Image Credit : X/primebookindia

नेक्स्ट लेव्हल एआय फीचर्ससह प्राईमबुक ३ मॅक्स

ज्यांना नवीन जनरेशनचे हार्डवेअर आणि एआय (AI) फीचर्स हवे आहेत, त्यांच्यासाठी कंपनीने 'प्राईमबुक ३ मॅक्स' (Primebook 3 Max) मॉडेल लाँच केलंय. सेलमध्ये याचं 128GB मॉडेल साधारण ३३,४९० ते ३३,९९० रुपयांच्या दरम्यान मिळतंय.

हा लॅपटॉप जुन्या मॉडेल्सपेक्षा वेगळ्या प्लॅटफॉर्मवर काम करतो. यात MediaTek Genio 720 प्रोसेसर, 8GB LPDDR5 रॅम आणि 128GB UFS स्टोरेज दिलंय. 8th Gen MediaTek NPU मुळे हा लॅपटॉप 9 TOPS पर्यंत एआय कम्प्युटिंगला सपोर्ट करतो. यात 5MP कॅमेरा, वायफाय ६ आणि ब्लूटूथ ५.३ सारखे ॲडव्हान्स फीचर्स आहेत. याचं वजन १.५९ किलो असून, 60.3Wh बॅटरीसह हा १२ तासांचा प्लेबॅक देतो.

Image Credit : X/primebookindia

प्राईमओएसची क्रांती: विंडोजऐवजी अँड्रॉइड कसं काम करतं?

या लॅपटॉप्सचं सर्वात मोठं वैशिष्ट्य म्हणजे हे रेग्युलर विंडोज ऑपरेटिंग सिस्टीमवर चालत नाहीत. प्राईमबुक स्वतःची 'PrimeOS' वापरतं. प्राईमबुक २ सिरीजमधील PrimeOS 3.0 हे अँड्रॉइड १५ वर आधारित आहे. मोठ्या स्क्रीन, कीबोर्ड आणि ट्रॅकपॅडच्या वापरासाठी हे खास डिझाईन केलंय.

यामुळे आपण फोनमध्ये वापरत असलेले सर्व अँड्रॉइड ॲप्स थेट लॅपटॉपवर चालतात. यांच्या स्वतःच्या ॲप स्टोअरवरून तुम्ही ५०,००० हून अधिक अँड्रॉइड ॲप्स डाऊनलोड करू शकता. जर तुम्हाला विंडोज सॉफ्टवेअर्स वापरायचे असतील, तर 'Cloud PC' चा पर्यायही दिलाय. क्लाउड पीसीद्वारे तुम्ही विंडोज आणि लिनक्स एन्व्हायरन्मेंट वापरू शकता. पण यासाठी तुम्हाला वेगळे सबस्क्रिप्शन चार्जेस द्यावे लागतील आणि इंटरनेटची गरज भासेल.

Image Credit : X/primebookindia

हा लॅपटॉप कोणासाठी परफेक्ट आहे?

लॅपटॉप घेण्यापूर्वी तुमच्या गरजा काय आहेत, हे समजून घेणं खूप महत्त्वाचं आहे. हा लॅपटॉप सर्वांना सूट होणाऱ्या सामान्य विंडोज लॅपटॉपला पर्याय नाही.

• कोणी घ्यावा: ऑनलाईन क्लासेस करणारे विद्यार्थी, डॉक्युमेंटचं काम करणारे, युट्यूब किंवा ओटीटी व्हिडिओ पाहणारे, सामान्य ऑफिसचं काम करणारे आणि अँड्रॉइड ॲप्स वापरणाऱ्यांसाठी हा बेस्ट ऑप्शन आहे.

• कोणी घेऊ नये: हेवी विंडोज सॉफ्टवेअर्स वापरणारे, प्रोफेशनल व्हिडिओ एडिटिंग करणारे, हेवी गेमिंग करणारे किंवा फक्त अँड्रॉइडवर नसलेल्या खास ॲप्सवर अवलंबून असणाऱ्यांनी या लॅपटॉप्सपासून दूर राहिलेलंच बरं.

फेस्टिव्ह सेलमध्ये कमी बजेटमध्ये बेसिक कामांसाठी लॅपटॉप हवा असेल, तर प्राईमबुकच्या ऑफर्स नक्कीच एक चांगला पर्याय ठरतील.