- Home
- Utility News
- Bank Account Closure : बँक खातं बंद करायचंय? 'मायनस बॅलन्स' असेल तर पैसे भरावे लागतील का?
Bank Account Closure : बँक खातं बंद करायचंय? 'मायनस बॅलन्स' असेल तर पैसे भरावे लागतील का?
बँक खातं वापरत नसाल तर ते बंद करण्याचा विचार अनेकजण करतात. पण खात्यात मिनिमम बॅलन्स नसल्याने दंड लागून बॅलन्स 'मायनस'मध्ये गेला असेल, तर काय करायचं? असा प्रश्न अनेकांना पडतो.
खात्यात मायनस बॅलन्स असेल तर काय करावं?
बँक खातं बंद करण्याची अनेक कारणं असू शकतात. मिनिमम बॅलन्स ठेवणं शक्य नसतं, शिवाय डेबिट कार्डची वार्षिक फी आणि एसएमएस चार्जेस यामुळे लोक खातं बंद करतात. न वापरलेल्या खात्यावर सतत चार्जेस लागत असल्याने ग्राहकांना काळजी वाटते. त्यामुळे खातं बंद करण्यापूर्वी त्यात काही थकबाकी, ऑटो-डेबिट किंवा क्लिअर न झालेले चेक आहेत का, हे नक्की तपासा.
खातं बंद करताना मायनस रक्कम भरणं गरजेचं आहे का?
खातं बंद करण्याची पद्धत प्रत्येक बँकेनुसार वेगळी असते. काही बँका ऑनलाइन किंवा ॲपद्वारे खातं बंद करण्याची सुविधा देतात, तर काही बँका ग्राहकांना शाखेत बोलावतात. त्यामुळे तुमच्या बँकेची पद्धत आधी समजून घ्या. यासाठी तुम्हाला क्लोजर फॉर्म, ओळखपत्र आणि उरलेले पैसे ट्रान्सफर करण्यासाठी दुसऱ्या खात्याची माहिती द्यावी लागते. बँकेच्या नियमानुसार डेबिट कार्ड आणि न वापरलेलं चेकबुकही जमा करावं लागतं.
मिनिमम बॅलन्स नसल्यास खातं मायनस होतं का?
मिनिमम बॅलन्स न ठेवल्याने खातं मायनसमध्ये गेलं तर काय करायचं, हा सर्वात मोठा प्रश्न असतो. रिझर्व्ह बँकेच्या (RBI) नियमानुसार, केवळ मिनिमम बॅलन्स न ठेवल्याबद्दल लावलेल्या दंडामुळे बचत खात्याचा बॅलन्स मायनसमध्ये जाऊ शकत नाही. जर तुमच्या खात्यात मायनस बॅलन्स दिसत असेल, तर तो नेमका कशामुळे झालाय, याची बँकेकडे लेखी माहिती मागा.
बँक खातं बंद करण्याचे महत्त्वाचे नियम
खात्यात मायनस रक्कम का दिसतेय, याचं कारण फक्त मिनिमम बॅलन्सचा दंड आहे की इतर कोणते ट्रान्झॅक्शन किंवा सर्व्हिस चार्जेस आहेत, हे स्पष्ट करून घ्या. बँकांनी मिनिमम बॅलन्सचे नियम आणि त्याचे चार्जेस ग्राहकांना पारदर्शकपणे सांगायला हवेत, असं आरबीआयचे नियम सांगतात. त्यामुळे खातं बंद करण्यापूर्वी चार्जेस तपासा आणि चुकीचा दंड लागला असेल तर बँकेत तक्रार करा.
मायनस बॅलन्सबाबत आरबीआयचे नियम काय सांगतात?
'खातं मायनसमध्ये आहे, त्यामुळे ते बंद करण्यासाठी पूर्ण पैसे भरावेच लागतील' असा घाईघाईने निर्णय घेऊ नका. आधी मायनस रक्कम कशामुळे झालीय ते शोधा. जर हा फक्त मिनिमम बॅलन्सचा दंड असेल, तर तुम्ही आरबीआयच्या नियमांचा संदर्भ देऊन बँकेला जाब विचारू शकता. प्रश्न सुटला नाही, तर बँकेच्या तक्रार निवारण कक्षाकडे आणि नंतर आरबीआयकडे दाद मागा.
