- Home
- Utility News
- Post Office SCSS : रिटायरमेंटनंतर दरमहा 10000 हून अधिक कमवा, सरकारची योजना नेमकी काय? फायदे काय?
Post Office SCSS : रिटायरमेंटनंतर दरमहा 10000 हून अधिक कमवा, सरकारची योजना नेमकी काय? फायदे काय?
रिटायरमेंटनंतर दर महिन्याला फिक्स इन्कम हवंय का? पोस्ट ऑफिसने ज्येष्ठ नागरिकांसाठी एक जबरदस्त स्कीम आणली आहे. ही स्कीम नेमकी काय आहे आणि याचे फायदे काय आहेत?
रिटायरमेंटनंतर सुरक्षित इन्कम
रिटायरमेंटनंतर दर महिन्याला फिक्स इन्कम येणं खूप गरजेचं असतं. या वयात कुणालाही रिस्क घ्यायची नसते. आपले पैसे सुरक्षित राहावेत आणि खर्चापुरते पैसे मिळावेत, असं प्रत्येकाला वाटतं. यासाठी पोस्ट ऑफिसची सीनियर सिटीझन सेव्हिंग स्कीम (SCSS) एक उत्तम पर्याय आहे.
सीनियर सिटीझन सेव्हिंग स्कीम म्हणजे काय?
सरकारने ही स्कीम खास ६० वर्षे पूर्ण झालेल्यांसाठी आणली आहे. ही पूर्णपणे सरकारी स्कीम असल्यामुळे तुमचे पैसे १००% सुरक्षित राहतात. शेअर बाजारातील चढउतारांचा यावर काहीही परिणाम होत नाही. कोणतीही रिस्क न घेता फिक्स इन्कम हवं असलेल्यांसाठी ही स्कीम एकदम परफेक्ट आहे.
व्याजदर आणि इन्कमचे डिटेल्स
पोस्ट ऑफिस सध्या या स्कीमवर वर्षाला ८.२ टक्के व्याज देतं. बँकेच्या फिक्स डिपॉझिटपेक्षा (FD) हा व्याजदर जास्त आहे. तुम्ही एकदा गुंतवणूक केली की, स्कीम संपेपर्यंत तुम्हाला याच दराने व्याज मिळतं. उदाहरणार्थ, तुम्ही १५ लाख रुपये गुंतवले, तर वर्षाला सुमारे १,२३,००० रुपये व्याज मिळतं. म्हणजेच महिन्याला १०,२५० रुपये इन्कम सुरू होतं.
व्याज कसं मिळतं? स्कीम किती वर्षांची आहे?
पोस्ट ऑफिस हे व्याज दर महिन्याला न देता दर तीन महिन्यांनी खात्यात जमा करतं. एप्रिल, जुलै, ऑक्टोबर आणि जानेवारी महिन्यात तुमचे पैसे थेट बँक खात्यात येतात. ही स्कीम ५ वर्षांची असते. तुम्हाला गरज वाटल्यास ५ वर्षे पूर्ण झाल्यावर तुम्ही ती पुढे वाढवू शकता.
टॅक्स बेनिफिट्स आणि महत्त्वाच्या गोष्टी
तुम्ही या स्कीममध्ये गुंतवणूक केल्यास, इन्कम टॅक्सच्या कलम 80C अंतर्गत १.५ लाख रुपयांपर्यंत टॅक्स सूट मिळवू शकता. पण, तुम्ही मुदतीपूर्वीच खातं बंद केलं, तर थोडी पेनल्टी भरावी लागते. तुम्ही कमीत कमी १,००० रुपयांपासून यात गुंतवणूक सुरू करू शकता. कोणतीही रिस्क न घेता फिक्स इन्कम हवं असलेल्या ज्येष्ठ नागरिकांसाठी ही एक अतिशय विश्वासार्ह स्कीम आहे.
खातं पुढे वाढवण्याचे नवीन नियम
पूर्वी या स्कीममध्ये ५ वर्षांनंतर फक्त एकदाच ३ वर्षांसाठी मुदत वाढवण्याचा नियम होता. पण आता नवीन नियमांनुसार, ५ वर्षे पूर्ण झाल्यानंतर तुम्ही ३-३ वर्षांच्या ब्लॉकने कितीही वेळा ही स्कीम पुढे वाढवू शकता. यासाठी स्कीम मॅच्युअर झाल्यापासून १ वर्षाच्या आत तुम्हाला अर्ज करावा लागतो, ही गोष्ट लक्षात ठेवा.
