Plant Care: होळीचे रंग झाडांवर उडाले? या 5 सोप्या टिप्सने झाडांचे करा संरक्षण...
Plant Care: होळी म्हणजे रंगांचा सण, पण हेच रंग कधीकधी आपल्या झाडांसाठी धोकादायक ठरू शकतात. या रंगांमुळे झाडांची पानं खराब होतात आणि मातीचा पोतही बिघडतो. अशावेळी आपल्या लाडक्या झाडांची काळजी कशी घ्यायची? चला, जाणून घेऊया...
साफ पाण्याने झाडं धुवा
तुमच्या झाडांवर होळीचे रंग लागले असतील, तर ते लगेच स्वच्छ करा. झाडांना साध्या पाण्याने धुवा. यासाठी पाण्याची हलकी धार वापरा. केमिकल असलेले रंग जास्त वेळ पानांवर राहू देऊ नका. नाहीतर पानं काळी पडून अख्खं झाड सडू शकतं.
ओल्या कापडाने पानं पुसून घ्या.
तुमच्या शोभेच्या किंवा नाजूक झाडांवर होळीचा रंग लागला असेल, तर एका मऊ ओल्या कापडाने हलक्या हातांनी पानं पुसून घ्या. पानं जास्त घासू नका, नाहीतर ती तुटण्याची किंवा खराब होण्याची शक्यता असते.
मातीचे संरक्षण कसे करावे
जर होळीचा रंग मातीत गेला असेल, तर कुंडीतील वरची एक-दोन इंच माती काढून टाका आणि त्यात नवीन स्वच्छ माती भरा. रंगीत माती जास्त वेळ कुंडीत राहिली, तर ती झाडांच्या मुळांना खराब करू शकते.
नीम या ऑर्गेनिक स्प्रेचा वापर करा
होळीचे रंग झाडांना कमजोर बनवू शकतात. अशावेळी, होळीच्या आधी आणि नंतर तुम्ही झाडांवर कडुनिंबाच्या तेलाचा स्प्रे करू शकता. यामुळे एक संरक्षक थर तयार होतो. तुम्ही घरच्या घरी ऑरगॅनिक स्प्रेसुद्धा बनवू शकता. यासाठी ताक आणि पाणी एकत्र करून एक द्रावण तयार करा आणि ते झाडांवर फवारा. यामुळे झाडं संक्रमणापासूनही वाचतात.
टीप- होळी खेळण्यापूर्वी तुम्ही तुमची झाडं जाळीने किंवा हलक्या कापडाने झाकू शकता. तसेच, घराच्या आसपास नैसर्गिक रंग खेळू शकता
