ग्लोच्या नादात पिंपल्स नको! होळीसाठी सीरम स्किन केअर रुटीन

होळी म्हणजे रंगांचा सण, पण केमिकलवाले रंग आणि कडक उन्हामुळे तुमच्या सुंदर त्वचेवर पिंपल्स येऊ शकतात. तुम्हालाही तुमची त्वचा मुलायम आणि चमकदार ठेवायची असेल, तर या टिप्स फॉलो करा.

होळी खेळणार असाल तर २-४ दिवस आधी Retinol, AHA-BHA सारखे हाय एक्सफोलिएशन प्रोडक्ट्स वापरू नका. हे सीरम त्वचेला उन्हासाठी संवेदनशील बनवतात, ज्यामुळे चेहऱ्यावर पिंपल्स येऊ शकतात.

होळीचे रंग चेहऱ्याला नुकसान पोहोचवू नयेत यासाठी मॉइश्चरायझर लावण्यापूर्वी सेरामाइड (Ceramide) आणि हायलुरोनिक ॲसिड (Hyaluronic Acid) सीरम लावा.

आधी क्लिनझर, फेसवॉशने चेहरा स्वच्छ करा. मग त्वचेला हायड्रेशन देणारं सीरम लावा. मॉइश्चरायझर लावायला विसरू नका. यामुळे रंग त्वचेच्या संपर्कात येत नाहीत. SPF-50 असलेलं सनस्क्रीन वापरा

तुमची त्वचा कोरडी असेल, तर होळीच्या दिवशी हलक्या हातांनी क्लिंजिंग करा आणि भरपूर मॉइश्चरायझर लावा. यासोबतच स्क्रब किंवा इतर कोणताही हार्ड प्रोडक्ट वापरणं टाळा. 

जेल-बेस्ड फेसवॉश वापरा, त्यानंतर ऑइल-फ्री मॉइश्चरायझर लावा. खूप जास्त क्रीम लावू नका, नाहीतर पिंपल्स वाढू शकतात. चेहऱ्यावर आधीच पिंपल्स (Acne) असतील, तर रंग खेळणं टाळा.

उन्हात गेल्यामुळे पिग्मेंटेशन (चेहऱ्यावरचे डाग) आणखी वाढू शकतं. अशावेळी फेसवॉश आणि क्रीम लावल्यानंतर सनस्क्रीन नक्की वापरा. हे तुम्हाला अतिरिक्त संरक्षण देतं.