- Home
- Utility News
- PAN Card Update : पॅन कार्डवरील फोटो किंवा स्वाक्षरी बदलायची आहे? घरबसल्या होईल काम, फॉलो करा या स्टेप्स
PAN Card Update : पॅन कार्डवरील फोटो किंवा स्वाक्षरी बदलायची आहे? घरबसल्या होईल काम, फॉलो करा या स्टेप्स
PAN Card Update : पॅन कार्डवरील तुमचा जुना फोटो किंवा स्वाक्षरी बदलायची असेल तर सोपी ट्रिक आहे. यासाठी फार काही करावे लागणार नाहीये. केवळ घरबसल्या तुम्हाला पॅन कार्डवरील फोटो आणि स्वाक्षरी बदलू शकता. याबद्दलच सविस्तर जाणून घेऊया.
घरबसल्या अपडेट करा पॅन कार्ड
शासकीय कागदपत्रांवरील फोटो अनेकदा व्यवस्थितीत येत नाही. यामध्ये पॅन कार्ड असो किंवा आधार कार्ड. अनेकजणांच्या पॅन कार्डवर जुना फोटो असतो. याशिवाय स्वाक्षरी देखील जुनी आणि व्यवस्थितीत नसते. अशातच पॅन कार्डवरील फोटो आणि स्वाक्षरी दुसऱ्या कागदपत्रांसोबत जुळून न आल्यास शासकीय कामे पूर्ण होत नाहीत. अशातच पॅन कार्डवरील फोटो आणि स्वाक्षरी कशी बदलू शकता याबद्दल सविस्तर जाणून घेऊया. याशिवाय या प्रक्रियेसाठी कोणत्या स्टेप्स फॉलो कराव्यात हे देखील पाहू.
महत्वाची कागदपत्रे
पॅन कार्डवरील फोटो किंवा स्वाक्षरी बदलण्यासाठी काही कागदपत्रे तयार ठेवावी लागतील. ओळखीच्या पुराव्यासाठी आधार कार्ड, वाहन परवाना किंवा इतर वैध ओळखपत्र आवश्यक असते. त्याचबरोबर नवीन पासपोर्ट आकाराचा फोटो आणि नवीन स्वाक्षरीची स्पष्ट प्रत तयार ठेवावी. याशिवाय आधार कार्डशी लिंक असलेला मोबाईल क्रमांकही आवश्यक आहे. कारण अंतिम टप्प्यात ओटीपीच्या माध्यमातून पडताळणी केली जाते.
फोटो आणि स्वाक्षरी अपडेट करण्याची ऑनलाइन प्रक्रिया
- सर्वप्रथम NSDL च्या अधिकृत संकेतस्थळावर जाऊन ‘Changes or Correction in Existing PAN Data’ हा पर्याय निवडावा.
- ‘Individual’ हा पर्याय निवडून नाव, जन्मतारीख यासारखी महत्वाची माहिती द्या.
- पुढे टोकन नंबर तयार झाल्यानंतर अर्जाची प्रक्रिया सुरू ठेवावी.
- ‘Submit scanned images through e-Sign’ हा पर्याय निवडून आवश्यक असल्यास नवीन फिजिकल पॅन कार्डसाठीही अर्ज करू शकता.
- ओळखपत्राची माहिती भरून संकेतस्थळावर नवीन फोटो आणि स्वाक्षरी अपलोड करावी.
- अर्ज पूर्ण झाल्यानंतर 107 रुपयांचे शुल्क भरावे.
- पेमेंट झाल्यानंतर आधार क्रमांक टाकून मोबाईलवर आलेला ओटीपी द्या. यानंतर अर्जाची प्रक्रिया पूर्ण होत पावती मिळेल.
अर्ज करताना या गोष्टी लक्षात ठेवा
फोटो आणि स्वाक्षरी अपलोड करताना संकेतस्थळावर नमूद केलेल्या अटी आणि नियम पाळणे आवश्यक आहे. तसेच ई-मेल आयडी दिल्यास तुम्हाला तेथे पॅन कार्डच्या अर्जासंबंधित अपडेट्स येत राहतील. या व्यतिरिक्त आधार कार्डसोबत तुम्ही वापरत असलेला मोबाइल क्रमांक लिंक असावा. जेणेकरुन तुमची अपडेटची प्रक्रिया पूर्ण होईल.
