बाबो, 200MP कॅमेऱ्यासह 18 नोव्हेंबरला लॉन्च होणार Oppo Find X9, किंमत आणि फिचर्स कसे असतील?

Oppo Find X9 सिरीज 18 नोव्हेंबरला भारतात लाँच होणार आहे. हा फोन 200MP हॅसलब्लाड कॅमेरा, 80W फास्ट चार्जिंग आणि डायमेन्सिटी 9500 चिपसेट अशा जबरदस्त फीचर्ससह येत आहे. जाणून घ्या या जबरदस्त फोनबद्दल…

Image Credit : Oppo India/X

Oppo Find X9 सिरीज: भारतात कधी लाँच होणार?

स्मार्टफोन कंपनी ओप्पो (Oppo) आपली नवीन फ्लॅगशिप सिरीज Find X9 भारतीय बाजारात 18 नोव्हेंबर रोजी दुपारी 12 वाजता लाँच करणार आहे. कंपनीने X (पूर्वीचे ट्विटर) वर पोस्ट करून ही माहिती दिली आहे. लाँच इव्हेंट ओप्पो इंडियाच्या अधिकृत वेबसाइट, यूट्यूब चॅनल आणि सोशल मीडियावर लाईव्ह पाहता येईल.

या सिरीजमध्ये Find X9 आणि Find X9 Pro हे दोन मॉडेल्स असतील, जे यापूर्वीच चीनमध्ये लाँच झाले आहेत.

Image Credit : Oppo

Oppo Find X9 सिरीज: स्पेशल प्रिव्हिलेज पॅक ऑफर

Oppo Find X9 सिरीज खरेदी करणाऱ्यांसाठी कंपनीने एक प्रिव्हिलेज पॅक जाहीर केला आहे. हा पॅक फक्त 99 मध्ये उपलब्ध आहे. यामध्ये 1,000 किमतीचे एक्सचेंज कूपन, मोफत SUPERVOOC 80W अडॅप्टर आणि दोन वर्षांचा बॅटरी प्रोटेक्शन प्लॅन दिला जात आहे. ही ऑफर Find X9 सिरीजच्या फोनसोबत मिळेल.

Image Credit : our own

Oppo Find X9 आणि Find X9 Pro चे फीचर्स

Find X9 मध्ये 6.59-इंचाचा OLED डिस्प्ले आहे, तर प्रो मॉडेलमध्ये 6.78-इंचाचा फ्लॅट OLED स्क्रीन आहे. दोन्ही डिस्प्ले 1.5K रिझोल्यूशन आणि 120Hz रिफ्रेश रेटला सपोर्ट करतात. हे फोन अँड्रॉइड 16 वर आधारित कलरओएस (ColorOS) 16 वर चालतील.

यामध्ये मीडियाटेक डायमेन्सिटी (MediaTek Dimensity) 9500 SoC आणि Arm G1-Ultra GPU चिपसेट आहे. यात 16GB पर्यंत रॅम आणि 1TB पर्यंत इंटरनल स्टोरेजचे पर्याय आहेत.

Image Credit : Getty

Oppo Find X9 सिरीज: कॅमेरा फीचर्स

Oppo Find X9 सिरीजमध्ये कॅमेरा हे मुख्य आकर्षण आहे. हॅसलब्लाडच्या भागीदारीत बनवलेल्या या कॅमेरा सेटअपमध्ये Find X9 मध्ये 50MP Sony LYT-828 प्रायमरी लेन्स, 50MP Sony LYT-600 पेरिस्कोप टेलीफोटो लेन्स, 50MP सॅमसंग JN5 अल्ट्रा-वाइड अँगल कॅमेरा आणि 32MP फ्रंट कॅमेरा आहे.

तर Find X9 Pro मध्ये 50MP प्रायमरी, 50MP अल्ट्रा-वाइड कॅमेऱ्यासोबत 200MP पेरिस्कोप टेलीफोटो लेन्स आहे, जो 3x डिजिटल झूमला सपोर्ट करतो. यात 50MP सेल्फी कॅमेरा आहे.

Image Credit : Alvin Twitter

Oppo Find X9 सिरीज: बॅटरी आणि किंमत किती?

Find X9 मध्ये 7,025mAh आणि Find X9 Pro मध्ये 7,500mAh बॅटरी आहे. दोन्ही फोन 80W वायर्ड फास्ट चार्जिंगला सपोर्ट करतात. लीक झालेल्या माहितीनुसार, Find X9 (12GB RAM + 256GB) मॉडेलची किंमत सुमारे ₹74,999 आणि Find X9 Pro ची किंमत ₹99,999 पर्यंत असू शकते.

हे फोन सॅमसंग गॅलेक्सी एस सिरीज, वनप्लस आणि ॲपलच्या हाय-एंड फ्लॅगशिप फोनला टक्कर देतील. Find X9 सिरीज प्रीमियम डिझाइन, मोठी बॅटरी, हॅसलब्लाड कॅमेरा आणि कलरओएस 16 सारख्या फीचर्समुळे बाजारात आपली जागा निर्माण करण्याचा प्रयत्न करेल. 18 नोव्हेंबरच्या अधिकृत लाँच इव्हेंटमध्ये संपूर्ण माहिती समोर येईल.

अल्ट्रा-क्लिअर इमेजिंग आणि स्मूथ OS चा एक नवीन अध्याय सुरू होत आहे…
#OPPOFindX9Series लाँचचा अनुभव घ्या आणि AI व हॅसलब्लाडची शक्ती प्रत्यक्षात पाहा.
अधिक जाणून घेण्यासाठी येथे क्लिक करा#AIFlagshipCamera#HasselbladPocketCamera#OPPOColorOS16pic.twitter.com/PbcSqayZrl

— OPPO India (@OPPOIndia) November 7, 2025