No License Scooter: फक्त 60 हजारात स्कूटर; लायसन्सची गरज नाही, रजिस्ट्रेशन नको!
No License Scooter: हरियाणातील सेलियो (Celio) कंपनीने आपली नवीन एक्स-मेन+ 2026 (X-Men+ 2026) इलेक्ट्रिक स्कूटर लाँच केली आहे. विशेष म्हणजे, फक्त 60,000 रुपयांत 120 किमीची रेंज देणाऱ्या या स्कूटरसाठी लायसन्स आणि रजिस्ट्रेशनची गरज नाही.
लायसन्सची गरज नाही!
नवीन एक्स-मेन+ स्कूटर
एका चार्जमध्ये 120 किमी रेंज
या स्कूटरची सर्वात मोठी खासियत म्हणजे तिची किंमत. भारतीय बाजारात ही स्कूटर सुमारे 60,000 रुपयांना मिळते. एकदा पूर्ण चार्ज केल्यावर ती 120 किलोमीटरपर्यंत धावते. तिचा टॉप स्पीड 25 किमी/तास असल्याने, ही एक लो-स्पीड स्कूटर आहे. त्यामुळे यासाठी ड्रायव्हिंग लायसन्स आणि रजिस्ट्रेशनची गरज नाही.
180 किलो वजन उचलण्याची क्षमता
या गाडीत दोन बॅटरीचे पर्याय आहेत. लिथियम बॅटरी 4 ते 5 तासांत चार्ज होते, तर दुसऱ्या प्रकारच्या बॅटरीला 8 ते 10 तास लागतात. ब्रेकिंगसाठी पुढे डिस्क ब्रेक आणि मागे ड्रम ब्रेक दिले आहेत. स्कूटरचे वजन सुमारे 80 किलो असून ती 180 किलोपर्यंत वजन उचलू शकते.
स्मार्ट फीचर्सने परिपूर्ण
या स्कूटरमध्ये अनेक स्मार्ट फीचर्सही आहेत. यात डिजिटल डिस्प्ले, रिव्हर्स गिअर, अँटी-थेफ्ट अलार्म, यूएसबी चार्जिंग पोर्ट आणि सेंट्रल लॉकिंग यांसारख्या सुविधा मिळतात. स्कूटरवर 2 वर्षांची आणि बॅटरीवर 1 वर्षाची वॉरंटी दिली जात आहे. देशभरात 350 हून अधिक शोरूम्स आणि २ लाखांहून अधिक ग्राहकांसह सेलियो कंपनीने इलेक्ट्रिक वाहन क्षेत्रात आपले स्थान मजबूत केले आहे.
