PhonePe : अवघ्या 11 रुपयांत 25 हजार रुपयांचा हेल्थ इन्शुरन्स, फोनपेची जबरदस्त ऑफर
PhonePe: दिवाळी म्हटलं की फटाके आलेच. पण फटाके वाजवताना दुखापत होण्याचा धोका नेहमीच असतो. हाच धोका लक्षात घेऊन PhonePe ने एक खास इन्शुरन्स प्लॅन आणलाय, ज्यामुळे वैद्यकीय खर्चाचा ताण कमी होईल.
15
Image Credit : Asianet News
दिवाळीसाठी खास फायर क्रॅकर्स इन्शुरन्स
दिवाळीत फटाके वाजवताना होणाऱ्या दुर्घटना लक्षात घेऊन हा प्लॅन तयार केला आहे. PhonePe आणि Aditya Birla Health Insurance Company ने एकत्रितपणे ही सुविधा सुरू केली. फटाक्यांमुळे भाजल्यास किंवा अपघात झाल्यास या पॉलिसीद्वारे हॉस्पिटलायझेशनचा खर्च मिळतो. सणासुदीच्या काळात अचानक येणाऱ्या वैद्यकीय खर्चाचा ताण यामुळे कमी होतो.
Add Asianetnews Marathi as a Preferred Source
25
Image Credit : Gemini AI
11 रुपयांत 25 हजारांपर्यंतचे मेडिकल कव्हरेज
या पॉलिसीचे सर्वात मोठे वैशिष्ट्य म्हणजे अतिशय कमी प्रीमियम. 11 दिवसांच्या प्लॅनसाठी ग्राहकांना फक्त 11 रुपये भरावे लागतील. फटाक्यांमुळे काही अपघात झाल्यास उपचारासाठी 25,000 रुपयांपर्यंतचा क्लेम मिळू शकतो. भाजणे किंवा फटाक्यांच्या स्फोटामुळे होणाऱ्या दुखापती या कव्हरमध्ये समाविष्ट आहेत. क्लेमची अंतिम रक्कम पॉलिसीच्या नियमांनुसार ठरते.
35
Image Credit : Gemini AI
कुटुंबातील सदस्यांनाही मिळणार सुरक्षा कव्हर
हा प्लॅन फक्त एका व्यक्तीपुरता मर्यादित नाही. ग्राहक आपल्या पती/पत्नी आणि मुलांनाही या पॉलिसीमध्ये जोडू शकतात. अपघातामुळे 24 तासांपेक्षा जास्त वेळ रुग्णालयात राहावे लागल्यास किंवा डे-केअर उपचारांसाठी हा क्लेम वापरता येतो. पॉलिसी खरेदी करताना नियम आणि अटी काळजीपूर्वक वाचणे गरजेचे आहे.
45
Image Credit : Gemini AI
11 दिवसांचा की 30 दिवसांचा? कोणता प्लॅन उत्तम?
PhonePe वर दोन पर्याय उपलब्ध आहेत. पहिला 11 दिवसांचा प्लॅन 11 रुपयांत मिळतो, जो पॉलिसी काढल्यापासून 11 दिवस लागू राहतो. दुसरा 30 दिवसांचा प्लॅन 21 रुपयांत मिळतो. दोन्ही प्लॅनमध्ये कव्हरेज रक्कम 25,000 रुपयेच आहे. फक्त दिवाळीच्या दिवसांसाठी 11 रुपयांचा प्लॅन योग्य ठरतो, तर दिवाळीच्या आधी आणि नंतरही फटाके वाजवणाऱ्यांसाठी 30 दिवसांचा प्लॅन फायदेशीर आहे.
55
Image Credit : Gemini AI
PhonePe ॲपवरून असा खरेदी करा इन्शुरन्स
इन्शुरन्स खरेदी करण्यासाठी कुठेही जाण्याची गरज नाही. PhonePe ॲप उघडून सर्च बारमध्ये 'Fire Crackers Insurance' टाईप करा. त्यानंतर योग्य प्लॅन निवडून स्वतःची आणि कुटुंबाची माहिती भरा. प्रीमियम भरल्यानंतर पॉलिसीचे डिटेल्स ईमेलवर मिळतील. अपघात झाल्यास हॉस्पिटलची बिले आणि कागदपत्रे जोडून क्लेम करता येतो. मात्र, इन्शुरन्स असला तरी फटाके वाजवताना काळजी घेणे सर्वात महत्त्वाचे आहे.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
