LPG Cylinder New Rules: गॅस सिलेंडरधारकांनो सावधान! बुकिंगपासून ते KYC पर्यंतचे 'हे' ५ मोठे बदल लागू; अन्यथा कनेक्शन होईल बंद!

LPG Cylinder New Rules: १ एप्रिलपासून एलपीजी गॅस सिलेंडरच्या नियमांत मोठे बदल झाले आहेत. यामध्ये दोन बुकिंगमधील अंतर वाढवणे, बायोमेट्रिक e-KYC अनिवार्य करणे, आणि पीएनजी कनेक्शनसाठी अंतिम मुदत देणे यांसारख्या नियमांचा समावेश आहे. 

Image Credit : X

गॅस सिलेंडरधारकांनो सावधान! बुकिंगपासून ते KYC पर्यंतचे 'हे' ५ मोठे बदल लागू

नवी दिल्ली: १ एप्रिलपासून नवीन आर्थिक वर्ष सुरू झाले असून, केंद्र सरकारने एलपीजी (LPG) गॅस सिलेंडरच्या नियमांत मोठे बदल केले आहेत. आखाती देशांतील युद्धजन्य परिस्थितीमुळे होणारा गॅस तुटवडा आणि साठेबाजी रोखण्यासाठी हे पाऊल उचलण्यात आले आहे. घरगुती ग्राहकांपासून ते छोट्या व्यापाऱ्यांपर्यंत सर्वांवर याचा परिणाम होणार आहे. चला जाणून घेऊया ते ५ महत्त्वाचे नियम जे तुम्हाला माहित असणे आवश्यक आहे. 

Image Credit : X

१. दोन बुकिंगमधील अंतरात वाढ (Lock-in Period)

आता तुम्ही हवा तेव्हा सिलेंडर बुक करू शकणार नाही. साठेबाजी रोखण्यासाठी सरकारने दोन सिलेंडर बुकिंगमधील दिवसांचे अंतर वाढवले आहे.

शहरी भाग: आता दोन बुकिंगमध्ये २५ दिवसांचे अंतर अनिवार्य आहे.

ग्रामीण भाग: ग्रामीण ग्राहकांसाठी हे अंतर आता ४५ दिवस करण्यात आले आहे.

(हा नियम १४.२ किलोच्या घरगुती सिलेंडरसाठी लागू आहे.) 

Image Credit : Asianet News

२. बायोमेट्रिक e-KYC अनिवार्य

गॅस सबसिडीचा गैरवापर रोखण्यासाठी सरकारने ई-केवायसी (e-KYC) सक्तीचे केले आहे. जर तुमची केवायसी पूर्ण नसेल, तर तुमचे बुकिंग रद्द होऊ शकते.

कुठे कराल?

गॅस एजन्सीवर जाण्याची गरज नाही. तुम्ही तेल कंपन्यांच्या मोबाईल ॲप आणि 'Aadhaar Face RD' द्वारे घरबसल्या बायोमेट्रिक प्रमाणीकरण करू शकता. 

Image Credit : Getty

३. PNG कनेक्शनची डेडलाईन (२४ जून)

ज्या भागात पाईपलाईनद्वारे नैसर्गिक गॅस (PNG) उपलब्ध आहे, तिथल्या ग्राहकांसाठी कडक नियम करण्यात आला आहे. जर तुम्ही २४ जून पर्यंत पीएनजी कनेक्शन घेतले नाही, तर तुमचे सध्याचे एलपीजी कनेक्शन कायमचे बंद केले जाईल. 

Image Credit : Getty

४. किंमतींमधील चढ-उतार

नवीन आर्थिक वर्षात किंमतींमध्येही मोठे बदल झाले आहेत.

घरगुती सिलेंडर (१४.२ किलो): दिलासादायक बाब म्हणजे याच्या किंमतीत बदल झालेला नाही (दिल्लीत ९१३ रुपये).

व्यावसायिक सिलेंडर (१९ किलो): हॉटेल आणि रेस्टॉरंटसाठीच्या सिलेंडरमध्ये १९५.५० रुपयांची मोठी वाढ झाली असून नवीन किंमत २,०७८.५० रुपये झाली आहे.

छोटू सिलेंडर (५ किलो): सर्वसामान्यांच्या या सिलेंडरची किंमत ५१ रुपयांनी वाढून ७०० रुपयांवर पोहोचली आहे. 

Image Credit : Getty

५. आता येणार 'एलपीजी एटीएम' (LPG ATM)

भारत पेट्रोलियमने गुरुग्राममध्ये देशातील पहिले २४x७ एलपीजी एटीएम सुरू केले आहे. आता पैसे काढण्याइतक्या सोप्या पद्धतीने तुम्ही कधीही सिलेंडर घेऊ शकणार आहात. लवकरच ही सुविधा देशभर विस्तारली जाणार आहे.