Mobile Charging: चार्जिंगच्या वेळी मोबाईलचा स्फोट का होतो? या चुका टाळा...
Mobile Charging: मोबाईल फोनचा स्फोट झाल्याच्या अनेक बातम्या आपण ऐकतो. पण चार्जिंग करतानाच मोबाईलचा स्फोट होण्याचा धोका जास्त का असतो, याचा तुम्ही कधी विचार केला आहे का? यामागे आपल्याच काही चुका कारणीभूत असू शकतात.
14
Image Credit : Asianet News
फोन चार्ज करताना होणाऱ्या काही सामान्य चुका
स्मार्टफोन आज आपल्या आयुष्याचा एक महत्त्वाचा भाग बनला आहे. पण तज्ज्ञ सांगतात की, फोन चार्ज करताना आपण काही सामान्य चुका करतो. यामुळे बॅटरी तर खराब होतेच, पण कधीकधी स्फोट होण्याचा धोकाही असतो. तुम्हीही या चुका करत असाल, तर आजच सावध व्हा.चार्जिंग करताना फोन वापरू नकाअनेकजण फोन चार्जिंगला लावून व्हिडिओ बघतात, गेम खेळतात किंवा बोलतात. असं केल्यामुळे बॅटरी जास्त गरम होण्याची शक्यता असते. जास्त तापमानामुळे बॅटरी फुगू शकते किंवा क्वचित प्रसंगी तिचा स्फोटही होऊ शकतो.
Add Asianetnews Marathi as a Preferred Source
24
Image Credit : Asianet News
उशीखाली किंवा गरम ठिकाणी चार्जिंग करणं टाळा
काही लोक रात्री झोपताना फोन उशीखाली किंवा बेडवर ठेवून चार्ज करतात. यामुळे फोनमधून बाहेर पडणारी उष्णता अडकून राहते आणि बॅटरी जास्त गरम होते. यामुळे आग लागण्याचा किंवा स्फोट होण्याचा धोका वाढू शकतो.प्रत्येक वेळी 100% चार्जिंग करणं चांगलं नाहीमोबाईलची बॅटरी प्रत्येक वेळी 100% चार्ज केल्यास तिच्या कार्यक्षमतेवर परिणाम होऊ शकतो. अनेक तज्ज्ञांच्या मते, बॅटरी 20% ते 80% दरम्यान ठेवणं सर्वात उत्तम आहे. यामुळे बॅटरीचं आयुष्य वाढायला मदत होते.
34
Image Credit : Asianet News
रात्रभर चार्जिंग आणि बनावट चार्जरचा वापर टाळा
फोन पूर्ण चार्ज झाल्यावरही तो चार्जरला जोडून ठेवल्यास बॅटरी आणि चार्जर दोघांसाठीही नुकसानदायक ठरू शकतं. विशेषतः रात्रभर चार्जिंगला लावण्याची सवय टाळलेलीच बरी.बनावट किंवा हलक्या दर्जाचा चार्जर वापरू नकास्वस्तात मिळणाऱ्या बनावट चार्जरमध्ये योग्य व्होल्टेज आणि सुरक्षेचे निकष पाळलेले नसतात. यामुळे बॅटरी तर खराब होतेच, पण शॉर्ट सर्किट आणि स्फोटाचा धोकाही वाढतो. त्यामुळे नेहमी कंपनीचा ओरिजिनल किंवा सर्टिफाइड चार्जरच वापरा.
44
Image Credit : Gemini
बॅटरीच्या सुरक्षेसाठी या टिप्स फॉलो करा
फोन थेट सूर्यप्रकाशात चार्जिंगला लावू नका.चार्जिंग करताना फोनचं जाड कव्हर काढून ठेवा.बॅटरी फुगलेली दिसल्यास, ताबडतोब सर्व्हिस सेंटरमध्ये दाखवा.चार्जिंग पोर्ट गरम होत असेल किंवा विचित्र वास येत असेल, तर चार्जिंग करणं लगेच थांबवा.
