Car Offers : एक रुपयाही न देता घरी आणा १२ लाखांची SUV, कंपनीची जबरदस्त ऑफर

MG Hector आपल्या 7व्या वाढदिवसानिमित्त ऑगस्ट महिन्यात ग्राहकांसाठी खास ऑफर्स घेऊन आली आहे. यामध्ये 60,000 रुपयांपर्यंतचे फायदे आणि 100 टक्के ऑन-रोड फायनान्सची सुविधा दिली जात आहे.

Image Credit : MG website

एमजी हेक्टर कारवर सुपर ऑफर

भारतातील लोकप्रिय SUV पैकी एक असलेल्या MG Hector ने देशात 7 वर्षे पूर्ण केली आहेत. या निमित्ताने, JSW MG मोटर इंडिया कंपनीने ऑगस्ट महिन्यात ग्राहकांसाठी जबरदस्त ऑफर्स जाहीर केल्या आहेत. यामध्ये जुनी कार एक्सचेंज ऑफर, लॉयल्टी बेनिफिट आणि कॉर्पोरेट कर्मचाऱ्यांसाठी विशेष फायदे मिळतील. हे सर्व मिळून ग्राहक 60,000 रुपयांपर्यंतची बचत करू शकतात. अर्थात, ही ऑफर तुम्ही निवडत असलेल्या व्हेरिएंट आणि डीलरशिपच्या नियमांनुसार बदलू शकते.

Image Credit : mgmotor.co.in

रुपयाही न भरता 100 टक्के कर्ज

Hector खरेदी करू इच्छिणाऱ्यांसाठी कंपनीने एक आनंदाची बातमी दिली आहे. कंपनी कारच्या ऑन-रोड किमतीवर 100 टक्क्यांपर्यंत कर्ज देत आहे. हे कर्ज फेडण्यासाठी ग्राहकांना 84 महिने म्हणजेच 7 वर्षांपर्यंतचा कालावधी मिळेल. कंपनीच्या म्हणण्यानुसार, कारसोबत खरेदी केलेल्या ॲक्सेसरीजवरही पूर्ण फायनान्स मिळू शकतो. मात्र, हे 100 टक्के कर्ज प्रत्येकाला मिळेलच असं नाही. ग्राहकाचं उत्पन्न, क्रेडिट हिस्ट्री आणि कर्ज परतफेडीची क्षमता यावरच फायनान्स कंपनी अंतिम निर्णय घेईल.

Image Credit : cardekho

एमजी हेक्टरमध्ये सुपर फीचर्स

MG Hector पहिल्यांदा 2019 मध्ये भारतात लाँच झाली होती. इंटरनेट कनेक्टिव्हिटी फीचर्ससह आलेली ही 'कनेक्टेड SUV' म्हणून बाजारात दाखल झाली. आता सात वर्षांनंतर, कंपनीने नवीन हेक्टरच्या लूकमध्ये आणि टेक्नॉलॉजीमध्ये मोठे बदल केले आहेत. गाडीला नवीन डिझाइनची फ्रंट ग्रिल, नवीन बंपर आणि नवीन अलॉय व्हील्स दिले आहेत. सेलाडॉन ब्लू आणि पर्ल व्हाइट सारखे नवीन कलर ऑप्शन्स या कारला अधिक प्रीमियम लूक देतात.

Image Credit : cardekho

एमजी हेक्टरचं इंटीरियर

हेक्टरच्या आतमध्येही अनेक दमदार फीचर्स आहेत. गाडीत लेदर फिनिशिंगचा डॅशबोर्ड, व्हेंटिलेटेड फ्रंट सीट्स, टिल्ट आणि टेलिस्कोपिक स्टिअरिंग व्हील आणि सहा प्रकारे इलेक्ट्रिकली ॲडजस्ट होणारी ड्रायव्हर सीट आहे. टेक्नॉलॉजीच्या बाबतीत, 14-इंचाची मोठी HD व्हर्टिकल टचस्क्रीन हे मुख्य आकर्षण आहे. याच्या मदतीने तुम्ही एसी, म्युझिक आणि नेव्हिगेशन सहज कंट्रोल करू शकता. यात डिजिटल की आणि रिमोटने एसी सुरू करण्यासारखे अनेक कनेक्टेड फीचर्सही दिले आहेत.

Image Credit : X

एमजी हेक्टरची किंमत किती?

कंपनीने हेक्टरमध्ये सेफ्टी आणि कनेक्टिव्हिटीवरही विशेष लक्ष दिले आहे. ड्रायव्हरसाठी 17.78 सेमी आकाराचा डिजिटल इन्स्ट्रुमेंट क्लस्टर दिला आहे. इतकंच नाही, तर यात 70 पेक्षा जास्त कनेक्टेड कार फीचर्स असल्याचा कंपनीचा दावा आहे. नवीन MG Hector ची सुरुवातीची किंमत 11.99 लाख रुपये आहे. यासोबत 60,000 रुपयांपर्यंतची ऑफर आणि 100 टक्के ऑन-रोड फायनान्सची संधी मिळत असल्याने, नवीन SUV घेणाऱ्यांसाठी हा एक चांगला पर्याय ठरू शकतो. तरीही, कार बुक करण्यापूर्वी तुमच्या जवळच्या MG डीलरशिपला भेट देऊन ऑफर्स, एक्सचेंज बेनिफिट्स आणि कर्जाच्या अटींबद्दल संपूर्ण माहिती घेणे महत्त्वाचे आहे.