Maruti Cars: भारतीय बाजारात पुन्हा एकदा ५०% मार्केट शेअर मिळवण्याचं टार्गेट मारुती सुझुकीने ठेवलं आहे. यासाठी कंपनी २०२७ पर्यंत चार नवीन ७-सीटर मॉडेल्स लाँच करणार आहे. यामध्ये सब-कॉम्पॅक्ट MPV, ७-सीटर ग्रँड विटारा, एक इलेक्ट्रिक MPV आणि अर्टिगा फेसलिफ्ट यांचा समावेश आहे.
भारतीय बाजारातला आपला ५० टक्के मार्केट शेअर परत मिळवण्यासाठी मारुती सुझुकी इंडियाने कंबर कसली आहे. कंपनीने २०३०-३१ पर्यंत तब्बल २८ नवीन मॉडेल्स लाँच करण्याचा मोठा प्लॅन आखला आहे. या गाड्या पेट्रोल, सीएनजी, इलेक्ट्रिक, हायब्रीड, इथेनॉल आणि फ्लेक्स-फ्युएल अशा अर्धा डझनपेक्षा जास्त पॉवरट्रेन पर्यायांमध्ये येतील. सध्या बाजारात ७-सीटर फॅमिली कार्सना मोठी मागणी आहे, हे लक्षात घेऊन मारुती २०२७ पर्यंत चार नवीन मॉडेल्स आणण्याच्या तयारीत आहे. चला तर मग, मारुतीच्या या नव्या ७-सीटर एसयूव्ही आणि एमपीव्ही गाड्यांबद्दल थोडक्यात जाणून घेऊया.
मारुती सब-कॉम्पॅक्ट MPV (YDB)
रिपोर्ट्सनुसार, मारुती सुझुकी जपानमधील सुझुकी स्पेशिया (Suzuki Spacia) या गाडीवर आधारित एक सब-4 मीटर MPV (कोडनेम YDB) तयार करत आहे. ही गाडी कधी लाँच होणार याबाबत कंपनीने अजून काहीही सांगितलेलं नाही, पण २०२६ च्या अखेरपर्यंत ही कॉम्पॅक्ट फॅमिली कार बाजारात दाखल होण्याची शक्यता आहे. ही गाडी मारुतीच्या नेक्सा (Nexa) शोरूममधून विकली जाईल, असं म्हटलं जातंय. मारुती YDB MPV चं डिझाइन आणि स्टायलिंग स्पेशियापेक्षा वेगळं असेल. तसेच, स्पेशियामधील स्लायडिंग डोअर्ससारखे काही फीचर्स या गाडीत नसण्याची शक्यता आहे. पण, गाडीचा बॉक्सी आणि उंच लूक कायम ठेवला जाईल, अशी अपेक्षा आहे.
7-सीटर मारुती ग्रँड विटारा (Y17)
Maruti Cars: मारुतीची ७-सीटर ग्रँड विटारा (कोडनेम Y17) सध्या टेस्टिंगच्या टप्प्यात आहे. ही गाडी २०२६ च्या दुसऱ्या सहामाहीत लाँच होण्याची शक्यता आहे. या एसयूव्हीमधील अनेक डिझाइन एलिमेंट्स, फीचर्स, प्लॅटफॉर्म आणि इंजिन पर्याय सध्याच्या ५-सीटर ग्रँड विटारासारखेच असतील. तसेच, गाडीच्या स्टायलिंगसाठी 'इव्हिटारा' (eVitara) कडूनही काही प्रेरणा घेतली जाईल. सध्याच्या मॉडेलच्या तुलनेत ही गाडी जास्त लांब आणि अधिक प्रशस्त असेल, जेणेकरून त्यात तिसरी सीटिंग रो बसवता येईल. यामध्ये ५-सीटर ग्रँड विटाराप्रमाणेच १.५ लीटर नॅचरली एस्पिरेटेड माईल्ड हायब्रीड आणि स्ट्रॉंग हायब्रीड इंजिनचे पर्याय मिळतील, अशी अपेक्षा आहे.
Related Articles
मारुती इलेक्ट्रिक MPV (YMC)
रिपोर्ट्सनुसार, मारुती सुझुकी एका इलेक्ट्रिक MPV वरही काम करत आहे, जी २०२६ किंवा २०२७ मध्ये लाँच होऊ शकते. या गाडीला 'मारुती YMC' असं कोडनेम देण्यात आलं आहे. ही गाडी 'बॉर्न ईव्ही' आर्किटेक्चरवर आधारित असेल. तसेच, या गाडीचे डिझाइन आणि पॉवरट्रेनचे काही भाग मारुतीच्या 'इव्हिटारा' (eVitara) मधून घेतले जाण्याची शक्यता आहे.
मारुती अर्टिगा फेसलिफ्ट
मारुती सुझुकीची लोकप्रिय MPV अर्टिगाला लवकरच एक मिड-लाइफ अपडेट मिळणार आहे. येत्या काही महिन्यांतच ही नवी अर्टिगा लाँच होण्याची शक्यता आहे. या नवीन मॉडेलमध्ये काही कॉस्मेटिक बदल आणि फीचर्समध्ये सुधारणा केली जाईल. मात्र, गाडीतील इंजिनचे पर्याय तेच राहण्याची दाट शक्यता आहे.
