तुमच्या 1 ते 5 वर्षांच्या मुलीसाठी सोन्याचे कानातले घ्यायचे आहेत? मग हे बघा वजनाने हलके, सुरक्षित आणि स्टायलिश ग्रीक पॅटर्नचे डिझाइन्स, जे तुम्ही दोन ग्रॅम सोन्यातही बनवू शकता.
तुमची मुलगी आता मोठी होतेय आणि तिच्यासाठी काहीतरी दागिने घ्यायचा विचार करताय? मग जड नेकलेस किंवा कानातल्यांऐवजी असं काहीतरी निवडा जे वजनाला हलकं असेल आणि तुमच्या छकुलीला आवडेलही. सध्या स्टड्सपासून ते बाळीपर्यंत सगळेच प्रकार ट्रेंडमध्ये आहेत. पण आज आपण 'baby earrings gold' मध्ये थोडा ग्रीक टच असलेले काही लेटेस्ट डिझाइन्स पाहूया. हे डिझाइन्स 1 ते 5 वर्षांच्या मुलींसाठी अगदी परफेक्ट आहेत.
22kt गोल्ड ग्रीक टॉप्स
खडे किंवा स्टोनऐवजी, 22 कॅरेट शुद्ध सोन्याचे ग्रीक टॉप्स निवडा. हे डिझाइन ग्रीक आर्किटेक्चरपासून प्रेरित आहे. यात सोन्याला पीळ दिल्यासारखी एक खास डिझाइन असते, ज्याला 'मिअँडर' (meander) म्हणतात. आजकाल झिग-झॅग पॅटर्न खूप ट्रेंडमध्ये आहे, ज्यामुळे दागिन्याला हँडक्राफ्टेड लूक येतो. मुलींसाठी हे डिझाइन अगदी मिनिमल पण क्लासी आहे. हे 1 ते 2 ग्रॅम सोन्यात सहज तयार होईल.
Related Articles
ग्रीक गोल्ड हूप्स (बाळी)
लहान मुलांसाठी सोन्याच्या बाळ्या (Hoops) नेहमीच चांगला पर्याय असतो. कारण त्या हरवण्याची भीती कमी असते. तुम्ही नेहमीच्या बाळीऐवजी थोडा इंटरनॅशनल टच देऊन 'मिअँडर' कोरीवकाम असलेल्या बाळ्या घेऊ शकता. या वजनाला हलक्या असतात आणि ग्लॅमरस लूक देतात. तुम्ही तुमच्या मुलीसाठी या 2 ग्रॅम सोन्यात बनवू शकता. इतकंच नाही, तर तुम्ही स्वतः ऑफिस किंवा फॉर्मल मीटिंगसाठी सुद्धा या वापरू शकता.
गोल्ड इंटरलॉकिंग ग्रीक रिंग्स
मॉडर्न ग्रीक डिझाइनपासून प्रेरित असलेले हे कानातले कानांना एक सुंदर आणि आकर्षक लूक देतात. यात दोन-तीन लहान रिंग्स एकमेकांमध्ये अडकवून चेनसारखं डिझाइन तयार केलं जातं. त्यामुळे हे दिसायला लटकन असलेल्या 22 कॅरेट गोल्ड स्टडसारखे वाटतात. तुम्ही हे लहान किंवा मोठ्या आकारात तुमच्या आवडीनुसार बनवू शकता.
ग्रीक गोल्ड लवनॉट स्टड
ग्रीसच्या प्राचीन 'हेराक्लेस नॉट' (Heracles Knot) पासून प्रेरित असलेले हे लवनॉट स्टड्स म्हणजे मॉडर्न आणि पारंपरिक स्टाईलचं परफेक्ट कॉम्बिनेशन आहे. यात सोन्याच्या धाग्यासारखी बारीक कलाकुसर करून गाठ बांधल्यासारखं (knot) डिझाइन तयार केलं जातं. हे थोडं उठावदार असल्यामुळे 3D लूक देतं. तुमची मुलगी हे शाळेत, कोचिंगला किंवा लग्नसमारंभातही घालू शकते.
हग्गी इअररिंग्स ग्रीक स्टाईल
ग्रीक फिलिग्री वर्क असलेले हगी इअररिंग्स (Huggie Earrings) दिसायला थोडे जाड पण नाजूक लूकसाठी परफेक्ट आहेत. या डिझाइनचा आकार षटकोनी (hexagonal) असतो, तर पुढची बाजू थोडी रुंद आणि घुमटासारखी (domed) असते. हे प्राचीन कला आणि मॉडर्न डिझाइनचं एक उत्तम मिश्रण आहे. 1 ते 5 वर्षांच्या मुलींसाठी हा एक छान पर्याय आहे. रोजच्या वापरासाठी तुम्ही हे डिझाइन निवडू शकता.
हार्ट शेप स्टोन हूप्स
तुमच्या मुलीच्या कानांना नाजूक आणि सुंदर लूक देण्यासाठी तुम्ही हार्ट शेप आणि स्टोन असलेल्या बाळ्या घेऊ शकता. या मॅट फिनिशऐवजी झरकन (zircon) खड्यांमध्ये येतात, जे आजकाल रोजच्या वापरासाठी खूप लोकप्रिय आहेत. तुमच्या बजेटनुसार तुम्ही हे 1 ते 2 ग्रॅम सोन्यात सहज बनवू शकता.
ट्रिलॉब हार्ट हूप्स
लहान मुलींसाठी हे डिझाइन थोडं कलात्मक आणि आकर्षक आहे. यात तीन लहान हार्ट शेप एकत्र जोडून क्लोव्हर (clover) पानासारखा लूक दिला जातो. हे हगी आणि हूप या दोन्ही प्रकारांचं मिश्रण आहे. हे डिझाइन खूपच क्यूट दिसतं आणि लहान मुली व टीनएजर्सवर खूप छान दिसतं.
