Kitchen Tips: काकडी कडू लागतेय? 'या' सोप्या ट्रिक्स वापरून कडूपणा घालवा!

Kitchen Tips: बाजारातून आणलेली काकडी कडू निघाली म्हणून फेकून देताय? थांबा! आता कडू काकडी फेकून देण्याची गरज नाही. काही सोप्या घरगुती उपायांनी तुम्ही काकडीचा कडूपणा सहज दूर करू शकता आणि ती पुन्हा खाण्यायोग्य बनवू शकता. चला, जाणून घेऊया 

Image Credit : Getty

काही टिप्स

१. टोकं कापून चोळा: काकडी स्वच्छ धुवून घ्या. तिची दोन्ही टोकं थोडी कापून घ्या. आता कापलेल्या भागाने काकडीवर गोल-गोल चोळा. यातून एक पांढरा फेस बाहेर येईल. असं केल्याने काकडीचा कडूपणा कमी होतो. २. मधून कापून घ्या: काकडीचा कडूपणा घालवण्यासाठी तिला स्वच्छ धुवून घ्या. त्यानंतर काकडी मधोमध कापून तिचे दोन तुकडे करा. दोन्ही तुकड्यांची टोकं कापून फेकून द्या. यामुळेही कडूपणा कमी होण्यास मदत होते. ३. मीठ लावा: काकडीची दोन्ही टोकं कापून त्यावर थोडं मीठ लावा आणि काही वेळ तसंच ठेवा. कापलेल्या टोकांनी मिठाच्या भागावर चोळा. किंवा काकडीची टोकं कापून तिला 5 मिनिटं मिठाच्या पाण्यात भिजवून ठेवा. या उपायानेही कडूपणा निघून जातो.

Image Credit : Getty

4. थंड पाण्यात भिजवा

४. थंड पाण्यात भिजवा: काकडीचे तुकडे करून ५-१० मिनिटं थंड पाण्यात भिजवून ठेवा. यामुळे कडूपणा तर जातोच, पण काकडी अधिक ताजी आणि कुरकुरीत लागते. ५. साल काढून टाका: अनेकदा काकडीचा कडूपणा तिच्या सालीमध्ये असतो. त्यामुळे काकडीची साल काढून खाल्ल्यास कडूपणा लागत नाही. ६. योग्य काकडी निवडा: काकडी विकत घेताना नेहमी ताजी, घट्ट आणि हिरव्या रंगाची काकडी निवडा. जास्त पिकलेल्या किंवा पिवळ्या पडलेल्या काकड्या अनेकदा कडू असतात.