कमी खर्चात परदेशात शिक्षण.. या देशांचा नक्की विचार करा

जर्मनीतील विद्यापीठे अंडर ग्रॅज्युएट कोर्सेससाठी कोणतीही ट्यूशन फी घेत नाहीत. विद्यार्थ्यांना फक्त १५० ते २५० युरो (१६,२०० ते २७,००० रुपये) ॲडमिनिस्ट्रेशन फी भरावी लागते.

फ्रान्समध्ये उच्च शिक्षणाचा खर्च खूपच कमी आहे. इथली सरकारी विद्यापीठे विद्यार्थ्यांकडून वर्षाला फक्त १७० युरो (१८,३६५ रुपये) फी घेतात.

नॉर्वेमध्ये युरोपियन विद्यार्थ्यांसाठी शिक्षण पूर्णपणे मोफत आहे. इथे अंडर ग्रॅज्युएट कोर्सेस स्थानिक भाषेत शिकवले जातात. 

ऑस्ट्रियामध्ये युरोपियन विद्यार्थ्यांसाठी उच्च शिक्षण पूर्णपणे मोफत आहे. मात्र, आंतरराष्ट्रीय विद्यार्थ्यांना प्रत्येक सेमिस्टरसाठी ७२६ युरो (७८,४३० रुपये) फी भरावी लागते.

ग्रीसमधील सरकारी विद्यापीठे आणि महाविद्यालयांमध्ये युरोपियन विद्यार्थ्यांसाठी ट्यूशन फी नसते. पण युरोपबाहेरून येणाऱ्या विद्यार्थ्यांना १,५०० युरो (१,६२,००० रुपये) भरावे लागतात.

स्पेनमध्ये युरोपियन विद्यार्थ्यांसाठी ट्यूशन फी खूप कमी असते. पण आंतरराष्ट्रीय विद्यार्थ्यांसाठी ही फी ८१,००० ते २,७०,००० रुपयांपर्यंत असू शकते.