दही खूप आंबट होतंय का?

उन्हाळ्यात दुपारपर्यंत दही खूप आंबट होतं का? कितीही काळजी घेतली तरी दही घट्ट लागत नाहीये का? काळजी करू नका!

दही आंबट होऊ नये आणि मलईसारखं घट्ट जमावं यासाठी काही खास किचन टिप्स आहेत. या टिप्स फॉलो केल्या तर तुमच्या घरचं दही जास्त काळ ताजं राहील.

उन्हाळ्यात दही लावण्यासाठी मातीचं भांडं वापरा. यामुळे दही थंड राहतं आणि भांडं अतिरिक्त पाणी शोषून घेतं. त्यामुळे दही घट्ट होतं आणि कमी आंबट लागतं.

दही लागल्यानंतर त्यावर पाणी जमा झालं असेल, तर ते लगेच काढून टाका. याच पाण्यामुळे दही जास्त आंबट होतं.

उन्हाळ्यात पसरट भांड्यात दही लावा. 5-6 तासांत दही लागलं की लगेच ते फ्रिजमध्ये किंवा थंड पाण्याच्या भांड्यात ठेवा.

दूध जास्त गरम नसावं आणि विरजणही जास्त घालू नका. जर विरजण आंबट असेल, तर दहीसुद्धा आंबटच होणार. त्यामुळे गोडसर विरजण वापरण्याचा प्रयत्न करा.