Kitchen Tips : पालेभाज्या जास्त दिवस ताज्या ठेवायच्या आहेत? ही सोपी ट्रिक वापरा!
Kitchen Tips : पालेभाज्या आरोग्यासाठी खूप चांगल्या असतात, पण त्या फार टिकत नाहीत, लवकर खराब होतात ही एक मोठी समस्या आहे. दोन दिवसांतच त्या सडतात किंवा काळ्या पडतात. पण काही सोप्या टिप्स वापरून तुम्ही पालेभाज्या जास्त दिवस ताज्या ठेवू शकता.
15
Image Credit : Getty
स्वच्छ करूनच फ्रिजमध्ये ठेवा
पालक, मेथी, कोथिंबीर, कढीपत्ता यांसारख्या पालेभाज्या आपण रोजच्या जेवणात वापरतो. भाजी विकत घेताना ती हिरवीगार आणि ताजी आहे की नाही हे तपासा. पिवळी पडलेली किंवा खराब झालेली पानं घेऊ नका. भाजी घरी आणल्यावर ती व्यवस्थित साफ केल्याशिवाय फ्रिजमध्ये ठेवू नका.
25
Image Credit : Asianet News
भाजी पूर्णपणे कोरडी करा
अनेकजण पालेभाज्या धुवून थेट फ्रिजमध्ये ठेवतात, पण ही एक मोठी चूक आहे. पानांवर असलेल्या ओलाव्यामुळे त्या लवकर सडतात. त्यामुळे, भाज्या आधी स्वच्छ धुवा आणि पाणी पूर्णपणे निथळू द्या. त्यानंतर एका सुती कापडावर किंवा टिश्यू पेपरवर पसरवून २०-३० मिनिटं कोरड्या होऊ द्या. ओलावा पूर्णपणे गेल्यावरच त्या साठवा.
35
Image Credit : Asianet News
अशी करा साठवणूक
कोरड्या झालेल्या पालेभाज्या टिश्यू पेपरमध्ये गुंडाळा आणि एका एअरटाईट डब्यात किंवा झिप-लॉक बॅगमध्ये ठेवा. टिश्यू पेपर जास्तीचा ओलावा शोषून घेतो आणि भाज्या ताज्या ठेवतो. फ्रिजमधील भाजीच्या ट्रेमध्ये ठेवल्यास त्या ५ ते ७ दिवसांपर्यंत ताज्या राहतात.
45
Image Credit : Getty
कोथिंबीर-पुदिन्यासाठी खास टीप
कोथिंबीर आणि पुदिन्यासारख्या भाज्यांचे देठ कापून एका पाण्याच्या ग्लासमध्ये ठेवा. वरचा भाग हलकासा झाकून फ्रिजमध्ये ठेवल्यास त्या जास्त दिवस ताज्या राहतात.
55
Image Credit : Getty
फ्रिजचं तापमानही महत्त्वाचं
फ्रिजमधील तापमान जास्त असल्यास पानं काळी पडण्याची शक्यता असते, त्यामुळे ते मध्यम ठेवा. सारखं फ्रिजचं दार उघडल्यामुळेही ओलाव्यात बदल होतो. गरजेपुरतीच भाजी बाहेर काढा आणि उरलेली भाजी पुन्हा व्यवस्थित झाकून ठेवा. योग्य स्वच्छता, पूर्णपणे कोरडं करणं आणि टिश्यू पेपर वापरून साठवणूक करणं, या ३ सोप्या स्टेप्स फॉलो केल्यास भाज्या वाया जाणार नाहीत.
