कियाने आपल्या सोनेट, सेल्टॉस आणि कॅरेन्ससारख्या लोकप्रिय गाड्यांवर १ लाख रुपयांपर्यंतची जबरदस्त सूट जाहीर केली आहे. ही खास ऑफर फक्त ऑगस्ट महिन्यापुरती मर्यादित असून, या काळात गाडी बुक करणाऱ्या ग्राहकांना याचा फायदा घेता येईल.
नवी दिल्ली: भारतीय बाजारात किया मोटर्स (Kia Motors) वेगाने आपलं स्थान निर्माण करत आहे. लवकरच कंपनी 'सोरेन्टो' (Sorento) ही नवी गाडी लाँच करण्याच्या तयारीत आहे. पण त्याआधीच, कियाने आपल्या ग्राहकांसाठी एक धमाकेदार डिस्काउंट ऑफर आणली आहे. यामुळे मारुती ब्रेझासारख्या गाड्यांना मोठी टक्कर मिळणार आहे. नुकतीच मारुती ब्रेझा 1.0 लीटर टर्बो इंजिनसह 7.40 लाख रुपयांच्या किंमतीत लाँच झाली आहे. याच स्पर्धेत पुढे राहण्यासाठी कियाने आपल्या गाड्यांवर 1 लाख रुपयांपर्यंतची सूट जाहीर केली आहे.
ऑफर फक्त ३१ ऑगस्टपर्यंत
कियाने सोनेट, सेल्टॉस, कॅरेन्स, सायरोस ईव्ही, कॅरेन्स ईव्ही आणि कार्निव्हल या गाड्यांवर १ लाख रुपयांपर्यंतची सवलत जाहीर केली आहे. ही ऑफर ऑगस्ट महिन्यासाठी असून ती सुरू झाली आहे. ३१ ऑगस्टपर्यंत गाडी बुक करणाऱ्या सर्व ग्राहकांना या ऑफर्सचा लाभ घेता येणार आहे.
किया सोनेटवर मोठी ऑफर
किया सोनेट ही गाडी मारुती ब्रेझा आणि टाटा नेक्सॉनसारख्या सब-कॉम्पॅक्ट एसयूव्ही गाड्यांना टक्कर देते. आता सोनेटवर कंपनीने खालीलप्रमाणे सूट दिली आहे:
Related Articles
- कॅश डिस्काउंट: १०,००० रुपये
- एक्सचेंज बोनस: २०,००० रुपये
- स्क्रॅप बोनस: १५,००० रुपये
- कॉर्पोरेट बोनस: १५,००० रुपये
इतर किया गाड्यांवरील डिस्काउंट
किया सायरोस (Syros): या गाडीवर १०,००० रुपये कॅश डिस्काउंट, २०,००० रुपये एक्सचेंज बोनस, २०,००० रुपये स्क्रॅपेज बोनस आणि १५,००० रुपये कॉर्पोरेट बोनस मिळत आहे.
किया सेल्टॉस (Seltos): या गाडीवर २०,००० रुपयांचा लॉयल्टी बोनस आणि २०,००० रुपयांचा कॉर्पोरेट बोनस दिला जात आहे.
किया कॅरेन्स क्लॅव्हिस टर्बो (Carens Clavis Turbo): या मॉडेलवर १०,००० रुपये कॅश डिस्काउंट, ३०,००० रुपये एक्सचेंज बोनस, १५,००० रुपये कॉर्पोरेट बोनस आणि २०,००० रुपये स्क्रॅप बोनस उपलब्ध आहे.
किया कार्निव्हल (Carnival): या गाडीवर तब्बल १ लाख रुपयांचा एक्सचेंज बोनस आणि ५०,००० रुपयांचा कॉर्पोरेट बोनस मिळत आहे.
कियाच्या EV गाड्यांवरही सूट
किया कॅरेन्स ईव्ही (Carens EV): या इलेक्ट्रिक गाडीवर २०,००० रुपये कॅश डिस्काउंट, २०,००० रुपये एक्सचेंज बोनस, १५,००० रुपये कॉर्पोरेट बोनस, २०,००० रुपये लॉयल्टी बोनस आणि २०,००० रुपयांचा स्क्रॅप इन्सेंटिव्ह दिला जात आहे.
